失業~

每日起身慢慢食早餐, 睇住旁邊D西裝友趕頭趕命,
自己懶懶飲杯檸茶, 食完早餐, 返屋企上網搵工, 每日SEND十封信差唔多,
到左一,二點, 可能會覺肚餓, 由於消耗唔多,
 可以考慮落街10蚊買個麵包, 或者食麥皮
之後訓覺, 訓到三點或者四點起身,
可以開電腦睇劇, 睇電影, 尋求創作靈感,
有左電腦, 呢個世界大把免費娛樂
HEA到晚上, 如果有家人就返屋企食飯,
冇就盡可能自己煮, 節省少少
剛畢業即係失業, 依照咁既生活方式, 扣除必要開支, 
總支出大概會係平時返工二成左右,
諗落都覺得好笑, 我辛苦讀書工作, 
為左就係六七十歲後, 可以享受類似咁既休閒寧靜既生活
原來失業已經可以做到, 係香港生活真係諷刺, 哈哈