睇番呢 D 相, 就諗起當年影完交俾當時專管電腦影像果位同事後制時,
真係一睇就 XXX 不斷... 當年唔係好明, 因為根本就未識嘛 (我唔識亦好正常,
個同事一個人搞起個成個數碼部, 而我衹係入職o左一段時間, 衹係前檯o既
一個打雜,更唔好講部 G2 都係買o左未夠半年, 連真正自己用的 "個人電腦"
都未有呢!!)... 家陣睇番... 我都同果位後來走o左去博彩業發展o既同事一樣幹聲連連...
無論如何, 又或者咁講, 好相自然值得一再回味同收藏, 唔好o既相嘛... 多睇亦
可作為一個警惕同反面教材... 特別係家陣係數碼年代, 連後制都幾乎係自己包辦下,睇番衰o左o既相就會諗下當時點解會衰, 同埋又可以練下 PS 神功, 睇下仲有無得救, 一舉兩得矣~~~~
去片...
搞掂....
我覺得幾好wo
回覆刪除師兄你d電子垃圾唔比我少喎！ =-=“
回覆刪除大家放心... 以前因為工作關係要影呢 D 相... 唔係因為咁又點會買部 PS-G2~~~
回覆刪除kodak果部係插住個充電坐 :o ?
回覆刪除Yes... 呢部機仔原本都唔睇好... 點知佢係夜晚影時個效果唔差,
刪除都係果枝定焦鏡o既幫助就係了!!
果時好鍾意部Dimage... 但C3030用得唔錯就無籍口換啦...
回覆刪除當扶 M 記 D AA 電機... 基本上都係 "地雷" 機, 影得再好都無用,
刪除插四枝 AA 都影唔到廿張就罷工 (同事最高記錄係插四枝全新 Duracell 衹可以撐到對好焦就死機),
唔係又點會有當時最劃時代o既相機尿袋出現呢~~~~
不過... 高檔果幾部 Dimage 個成像同色彩表現又係唔錯o既,
衹係大咬果下就真係頂佢唔順, 直至佢改用鋰質充電後先至叫趨近完美!