亂咁影之威尼斯人嘉年華2014

其實係開始o左好耐...


http://whatson.macautourism.gov.mo/information.php?rid=2439


問題係... 前排個天氣有幾好大家都心中有數... 戶外表演同節見最忌撞正惡劣天氣,
點知佢就真係撞到正... 所以我都伙無第一時間去影, 而係睇o左本地某相熟影友o既
相之後先有心機去影就係了!


由於個流程一概唔知, 於是就帶晒全部家當去, 包括帶o左去但無拎過出o黎o既閃光燈,
更加唔好講套延伸管... 因為都唔知點解係個外影袋內就係了, 反而呢次最重要o既就係
帶o左腳架... 真係進可攻退可守, 最少影個湖 (??? 點睇都似個大水池, 三呎水都唔知有
冇?) 果部份, 就係家陣見到o既噴火表演就真係方便好多, 唔係要手持小白去影好似玩
緊自己咁, 事實上真係有洋影友係手持影... 不過好快就收手... 一方面我同佢企個位,
就算用小白拉盡都好似家陣 D 相咁... 佢仲唔係用小白果 D 大光圈鏡, 加埋唔知點解佢
唔開腳架影而係手持 (佢個 "攞呢浦" 400 AW 大背包就掛o左枝係度), 所以就... 唔好理
人咁多就係了!


而我企個位, 有 300mm 鏡甚至像 100-400/70-400 果 D 鏡會幾好影,  但係... 其實有另類
風險, 因為現場個風向係吹向鏡頭o既... 而個表演會噴水, 同埋最後表演結束時會放煙花
同噴火柱, 如果風勢一勁就... 成面都係, 而最得人驚o既係... 發放點其中一個好接近我企
果個位(都仲係安全距離啦!)... 果種震撼感比以前近距離被炮杖炸更震撼... 事實上我係影
晒兩個表演時段, 原因之一係可以真係專心少少執o黎影, 而另一點係個結束煙火係第一
回合根本影唔到 (嚇親? 唔係, 而係太近枝小白點影??), 第二回合諗住換鏡時就已經爆緊,
頂... 我唔係好想再去影啦, 好鬼劬o架... 兩個表演中間一樣有好多o野影o架~~~~~


暫時上住呢幾張先, 因為用緊 IE... 但係 IE 唔知點解會上唔到圖, Firefox 就無問題,
但係要回應時... Firefox 又唔 work, IE 就無事... 玩o野?????

其他相片已經擺o左係 flickr 果邊:https://www.flickr.com/photos/eriklai/sets/72157643835677623/



謝謝觀看~~~~