是日... 蘭展開幕之亂影廿四...

老實講, 每年最少係同一個場地搞四次蘭展呢樣o野,
真係唔好講錢呢o下o野, 剩係心機都要用唔少, 但係
到底又有幾多人真係識得欣賞就唔知啦,  最少我就係
自認唔識欣賞o既一員... 不過, 唔識欣賞又唔係唔可以
去影, 衹要唔好學似某些 "羔手" 咁一路影一路出狀況
就得啦... 即係係唔係鏡頭或身體某部份會撞上朵花,
唔o岩位就手多多郁人o地盤花, 又或手多多用手整下
朵花呀葉呀個角度, 自掛黑布打底打到勾花勾盤, 係咁
加 LED 去佈光佈到成廿幾分鐘都未影而擋住人影而
被當眾 "婊揚", 甚至做德至極致咁影完就做摧花手等...

今日係開幕日... 因為例牌要有例遲o既開幕式, 即係
五點半打後我先至入場玩... 好唔好影? 兩睇啦, 見到
唔少熟人就真, 反正互相尊重大家合作就就位就可以
影到好開心就係了!

下面係普通相幾張...

而明日因為係公眾假期個關係... 相信我係唔會去影,
因為人多就實亂...成世人最怕同人逼之外就更怕嘈,
兩樣加埋... 即係唔o岩我去就係了~~~

謝謝觀看!!