[壯士斷臂] 新黑膠唱針頭開盒記

話說枝原裝罪大斷左臂, 不過本身佢個咀都蝕蝕地 :|


咁, 上日本熱帶雨林買過枝先, 當然原裝已沒有鳥, 呢個橢圓形尖頭來 :-bd


MIJ的, 包裝幾精美 :x


尖頭開聲試, 感覺聲音高清左, 冇貢厚聲/濛, 但低音好似弱左, 但又沙石少左 :>

完~

[開箱] AKG K550 及 K452 頭戴式耳筒用了數天短評分享

通利琴行清貨跳樓大特價, 又去血戰掃下超平超抵貨, 買左先算有冇用都好啦!~ :-o :) :>



1. K550 係定位鑑聽級 Reference Headphones, 有 3米長線我好 Like, 雖然有人反而覺得唔方便, 個人認為家用真係冇所謂, 我想買條好D既延長線都可以成千幾二千銀啦, 頭係 6.5mm, 不過可扭甩螺絲變3.5mm, 小弟短評如下:

用料: 9/10 (算多金屬, 又不至於太多導致太重~)
舒適度: 8/10 (有些少鬆, 覺少少重)
聲場/空氣感: 7/10 (同 Philips Fidelio X1 比~)
高音: 8/10
中音: 9/10
低音: 7/10 (冇味精呢, 都準確o既, 不過太短束唔過癮~)
人聲: 9/10
動態: 8/10
聲調: 中性偏冷薄唔多襟聽, 要習慣 (但配膽耳抗就好, 聲音出得好細緻~)
價錢: 10/10!
性價比: 10/10!

2. K452 係隨身聽十扑 Android, 頭係 3.5mm 但有跟個原裝 6.5mm 轉頭(冇啞), 幾迷你及好質素, 線標準 1.2米長, 整個headphone可摺疊, 有兩條線, 一條有掣一條冇, 線可拆, 掣得一個用途就係Play/Pause(接聽電話冇試過), 冇咪, 有硬收藏盒造工不錯, 有藍白兩隻色我自己揀左藍色望落有多D金屬味~ 聽感各樣大致如下:

用料: 8/10
舒適度: 7/10 (太好力有點緊不夠舒適, 不過出街就是穩陣~)
聲場/空氣感: 7/10
高音: 7/10
中音: 7/10
低音: 9/10 (重口味, 迎合潮流嘛, 出街嘈o既環境亦好~)
人聲: 7/10 (有點濛, 尤其同 K550 及 X1 比 XD)
動態: 7/10
聲調: 中性 (都不暖)
價錢: 9/10~
性價比: 9/10~

呢排荒廢影相, 走左去磨音響, 玩換運放 Op Amps~

呢堆咁既 nth 手 IC Chips, 又買左我成千銀, 仲要分分鐘好多都可能係假野 Remarked 來(雖然已經好努力求證~)~ 8-| ;)

好, 上唔同機唔同線路狂試, 日以繼夜, 夜以繼日~ 播唔同音樂試, 死格難格, 聽到耳仔都出血, 結果如下: :((


Burr Brown OPA2134PA 塑膠封裝: 聲薄又硬, 低音弱, 聲場窄 -> 必換走!

BB OPA2604AP 塑封: 高中低音三段平衡, 聲底厚可是聲音過柔及模糊 -> 都要換走~

BB OPA2111AQ 陶瓷封裝: 高中低音三段平衡, 聲底厚好力, 解析都唔錯, 可惜聲場稍窄及動態稍細所以都係硬聲。:-S

Analog Devices AD827SQ/883B 陶封/軍事規格: 超刺激好力, 好澎湃, 聲場都闊、左右好分離, 人聲都清, 清到有d誇張, 乜鬼唇音齒音吸氣聲都出鬼哂黎, 可惜就係樂器音樂感出得差, 歌曲聲音又唔夠緊湊, 收得工! :(

神秘廠家 DY649SQ/883 金屬封裝: 高中低音三段平衡, 聲音甜美及極度清徹, 聲場中規, 可惜就是男聲太娘, 不能接受, 而且聽歌有欠力度, 不夠澎湃。

Japanese Radio Company MUSE01 塑封: 人聲不錯, 但聲音乾澀冇韻味, 音場一般, 及高低音稍弱。

JRC MUSE02 塑封:  高中低音三段平衡, 音場一般, 但人聲稍弱、有點糊。

AD OP275AZ/883 陶封: 音場一般, 但人聲不錯, 且有音樂感有韻味厚底型, 但高低音稍弱，整體分析力亦一般。

AD OP275SQ/883 金封: 和陶封差不多, 聲音清脆一點, 但沒有陶封聲音那麼緊湊。

BB 2107SM/883 金封: 高中低音三段非常平衡, 音場闊, 聲底偏厚有韻味襟聽, 但人聲依然保持清晰, 難得也! :-bd

AD AD797SQ/883B 陶封 (兩粒單運放加轉接板當雙運放): 高中低音三段平衡, 音場闊, 動態恰到好處, 分析力強, 聲底厚薄適中而且很有彈性, 人聲清晰, 整體音樂感很好, 所有野都好平衡, 神之作也! :-bd :) :>

封塵電腦膽機維修換膽記 :D

七八年前買左部國產 Dared MP5, 搬左屋之後冇駁番, 劈埋一二便, 好多年冇鬥過, 忽發其想的番佢出黎! :-S 因為冇收入櫃搞到好鬼污糟, 工人又唔抺, 駁番之後發覺個 Volume Control 左右聲道都沙到飛起, 應該話好神下, 好, 拆開整下佢先! :)



呢個現象不外乎個 VR 氣化加D塵積埋好污糟所以最尾勁 Bad Contact, 咁神仙水出場啦! :>



啱啱個 VR 搵到有兩個窿, 一個左聲道一個右, 噴哂佢地, 搞掂, 測試冇問題, 回復原功能, Done~



見果兩枝大陸 92 年北京牌膽d 聲粗粗地, 索性買過兩粒好d既換鬼埋佢.. 8-|



人 Cheap 唔捨得換貴膽, 去 TB 執左兩枝前蘇聯佬既, 軍用 OTK (State Technical Bureau) Certified 級別, 1959 年出產, 絕對老過我! :-o



換左試音, 主要樂器聲同人聲細緻同清脆左, 低音好似細力左但層次演繹明顯好左, 換膽如換機啊! :)



宜家部膽機專駁我既 Android Devices, 因為駁 PC 聽歌嫌機箱風扇嘈~ USB 全數碼輸出, 冇 Loss 嫁, 部 Amp 有內置 DAC 先去前級對膽度, 出黎極清好乾淨完全冇 Noise~ :>



最後以上係駁小米盒子作例, 加個 USB Hub 仔, 就可以最多插多四樣外置野(一開四既話), 例如無線 Mouse/Keyboard, USB 手指/隨身硬碟, 讀咭器, 諸如此類.. 如果唔夠電, 響個 Hub 個 DC Input 入番牛得喇~

草蜢演唱會 2014 (山頂鳥瞰照~ =.=")

超難影! :( 因為坐得太高(人窮冇辦法 >_<), 煙放得太多, 光線太弱, 同埋草蜢佬冇時停跳得太快! :-o

草蜢又真係由頭到尾都好落力全無欺場, 非常專業, 絕對要讚! :-bd

多謝觀賞~ :)

[開箱使用一星期] 小米盒子二代實戰心得

小米盒三代剛出了, 不過香港未有得賣, 我亦唔需要四畸, 片源亦沒有四畸, 上星期行過黃金見部二代做緊清貨, 什麼解拆版, 四舊幾水行保一年, 就買左隻返去試玩下。:)



其實什麼破解版呀解拆版呀越獄呀乜叫法都好都係呃人, 巧立名目的! 小米盒本身係建基於安卓系統之上, 再裝了隻自家小米網絡視頻及多媒體應用程式。 一般用家見不了平常安卓介面, 因為給隱藏了, 所謂"解拆版"是再裝一個卓面應用, 一般是那隻"兔子桌面", 用家就可見回熟識的安卓介面了。

不過, 小米有見及此, 他們的伺服器是會自動強制推更新落盒子, 不能避免, 買了"解拆版"反而為自己添了麻煩, 一經小米更新系統後問題接踵而來! :( 所以我經網上爬文後, 索性徹底重置部機, 由頭玩過! :-S

看以上圖, 盒子接駁口由左至右為: HDMI, RJ45(LAN), micro-USB to USB OTG (即標準 USB 毑頭) 及火牛電源輸入。 注意跟機祇有 HDMI 線及火牛提供。

要重置, 入隱藏模式, 方法為先拔火牛插, 再同時按住原裝遙控 Home 及 Menu (即左右)兩鍵, 再插回火牛線, 幾秒 Boot 機後回出以下畫面:



選擇"清空所有數據", 會再詢問用"系統一"抑或"系統二(最近)", 如要還原, 選"系統一", 亦即上一個系統備份, 即可。



這個方法亦可用作真正 System Reboot, 當系統遇上不穩定情況, 是非常有用哦! :-bd (我一星期總共 Boot 了兩次機, 盒子有點熱.. 冷氣不夠一操勞就出事! :() 注意以上畫面是 Reboot, 所以要選最新的"系統二"。



盒子系統非常聰明, 它可以偵測到所接駁電視的牌子, 所以我的索尼遙控也可以使用來控制盒子, 而且有些功能是原裝沒有直鍵的, 如選字幕及聲道鍵。

有一樣要留意係盒子沒有偵測電視可支援的解像模式, 呢個又比較蠢了, 出廠預設值係 720p, 我即時改了最高的 1080p/60 模式, 畫面明顯是好了~



另玩網絡視頻當然有網速要求, 小米原生設定有測試頁, 過程如下:



這個是我剛行測試得出之結果:



要行高清(大陸叫"超清"), 300kbps 以上的網速少不了。我建議上網接駁用 LAN 線, 如不可, 小米盒二代有最新 5G WiFi 支援, 是最新最高速的。(那個功能我沒有用當然亦沒有試。)

好, 入主頁:





介面乃 Windows 8 概念畫面, 簡單而用。





電影電視劇有不少, 當然不是最新的也有, 亦冇可能完全齊, 不過亦有很多, 合不合口味另計。

按 Menu 可有篩選功能, 如上示。

小米伺服器本身沒有電視直播服務, 不過可以容許用安裝第三方應用程式。要裝, 祇要在小米"應用商店"下, 再揀選"應用管理", 再選"本地安裝", 當然事先要 Download 好 .apk 檔案, 再插入 USB 手指, 便可進行安裝:





安裝後我的應用程式如下, 這些都是一些比較出名及最常用的直播/串流應用及服務, 各有特式, 不過謹記搜尋及下載 .apk file 之後, 為安全計, 要去 virustotal.com 重新掃瞄一下, 才可安裝..



我簡單介紹一下那些應用: VST 全聚合和泰捷有視頻串流亦有直播, 不過視訊源畫質和速度一般不及小米的好, 但他們有些電影小米是沒有, 所以可提供多些選擇。HDP 直播係直播幾乎所有大陸電視台, myTV 唔駛講啦, CloudTV 有全世界電視都有真係好強哦! 免費頻道已經好夠睇, 不過速度好多就.. 如果唔係就畫質好屎! :-o

以下是泰捷的截圖:





以下是 CloudTV 的截圖:





如果唔睇戲睇電視, 小米網絡電台d歌也不錯, 大致分類如下:





我經 HDMI 由盒子聲音入了電視, 再由電視經光纖入返回大 Amp 再出喇叭, 音質比電視喇叭出好多了, 當然都係單簿d啦, 不過一定好過收 FM~ ;)