個人睇法...
衹要用緊果個 Mon 唔係太流, 跟番最基本o既校色程序都可以
得到個比較準o既色彩表現, 問題係用家本身有無跟足個程序
去做...
(當然市面上好多 Mon 本身就係先天不足, 唔係面板唔夠色
深或先天種類係無咁好, 又或驅動板唔入流唔穩定兼 cost-down
過龍, 呢個真係現實世界中o既真實一面~~~)
用 WIN7 o既最起碼都可以用跟 OS 本身個色彩校正去做,
重點係 "跟足" 同唔好理自己個個人喜好在先, 唔少人係呢個
問題上係校自己 "喜歡個色" 而唔係 "校準個色", 結果係點?
就好似... 煮一丁後已經落晒味包在先但更係隊多幾匙雞粉落
去,跟心就話呢隻一丁同人o地屋企煮埋俾你食果碗唔同味一樣
咁解!
校準 mon 個色係校到同其他跟足同樣/類似程序個 Mon 個色彩
表現接近一致, 要幾 "一致" 係唔使百分百而係最少都有九成似,
係呢個程序下係唔能夠亦唔可以加入用家 "個人色彩喜好" 存在,
唔係仲校來做乜? 都唔跟程序做就無 "標準" 在先去校啦!!
仲有一點, 家陣 D Mon 太多 "預設程序", 就如相機個色彩檔咁
可以由用家自己選, 但係一行 "色彩校正" 就唔該用番完全用家
自行設定果檔去校, 唔係又即係同之前煮一丁個例子一樣, 都己
經 "預設" o左在先再加雞粉又或味精又或好似我咁食豬頭骨湯味
又加 D 咖哩落去先食o既就~~~~~ 而用家本身個 PC 唔係得人你
一個自用而係同屋企人一齊用時就更加留意一點, 就係你係校正
o既個 Mon 仲校到準一準都無用. 屋企人用你部機時就硬係覺唔
好色又或太暗 (個人例子) 就私下去較/搞過個色, 到你自己埋
位時就 6+1 咁唔檢查一下就去搞相, 結果係點就係九成唔o岩光
暗在先, 色o岩唔o岩就要睇情況... 幸好家陣好多 Mon 係可以
有好幾個 "預設程序" 在先, 部份在跟 OS 軟件可以鎖住 Mon
上面果幾個控制或鎖住某一個預設程序, 因此唔想被搞到唔係太
難而係用家本身有冇認真去做 "多手準備"...
以個人為例, 家陣同時用兩個同樣 1920x1200 o既 Mon,基本上
都仲叫擺係同一個高度上 (一個 22一個 24, 係女就好囉), 一
左一右, 做o野果個係 22 , 亦即係家陣打緊文章果個就係主 Mon,
當然會認真校正! 除o左極少數情況下反而好少拎o黎睇電視同睇片,
而另一個 Mon, 即係 24 果個,就係主攻於睇片同睇電視, 同埋基本
上無任何校正過... 唔係懶而係呢個 Mon 唔係太過穩定, 成日校正
完無耐就自己失憶, 而且亦試過人手土炮式左右對照咁去 Tune 都
Tune 唔到左右一致, 用 Win7 內置會近 D 但係時候到就失憶, 所
以家陣都唔理佢, 反正睇電視或者睇片用, 真係唔o岩光暗就用播
放軟件調較就係, 唔o岩色就... 理 Q 佢啦, 而且係咁樣搞下仲可
以作為以主 Mon 搞過o既相o既一個對照用, 可以 "模擬"下係其他
人個 Mon 上會係點o既情況就係 (以前就用 iphone, 家陣就多o左
部內地 5" 手機可以對比用)...
至於點樣係個 Mon 做色彩校正? 最緊要係... 睇o左個 Mon 個使
用手冊在先, 有跟 Mon o既 Driver/OSD 軟件要裝好o既同時要係
自己用緊個 OS 上裝好個 Mon 個ICC檔 (即係*.ICM 果個), 跟住
再係個 Mon 上揀好一個乜都係要你自己調果個預設檔去搞, 而要
用咩軟件/硬件去搞? 個人而言, 硬件o既因為仲要俾錢去買來用
o既同時又唔係真係搵食用, 不如反過來係買 Mon 時用埋買果件硬
件o既預算去買個真係先天比較準o既 Mon 來用再軟件校正比較實
際少少, 因為你買個再勁o既校正硬件去校個基本上先天不良o既
Mon 就如對牛彈琴一樣, 反過來買個用高質素面板同足料製作o既
Mon 會更實際就係了!
講番校準個 Mon, 個人而言, 用 Win7 o既用家最起碼都要用 Win7
內置果個去校, 因為都真係叫做可用, 最緊要係撇除個人喜好在先
個觀念去搞就係了, 咁樣基本上光暗色彩都叫做有個譜而唔回太過
走板就係了, 而更進一步o既方式... 係唔用額外硬體下, 可以用第
三方軟件, 個人係用 Calibrize, 用起上來唔係太難用, 家陣都用
緊, 可以設定每個月都提示要再校正一次... 唔算太過份就係了~~~
(當然個人個方式仲有一個撇步, 就係個 Mon 個色彩校正參數係用
某個德國網站匡歉呢個 Mon 個測試中測出最似樣個校正值去設定
o左在先, 再係Calibrize 內校... 咁樣硬校 (Mon)到一個範圍內再
用 Calibrize去軟校自然事半功倍外, 亦可以避免個 Mon 係用o左
咁多年後個硬體本身個偏差...)
而網上亦有唔少網站有講類似o既討論, 亦有唔少攝影o既網站甚至
有埋個灰階圖可以做另類參考, 問題係用家肯唔肯去搞, 同埋可唔
可以真係 "撇除個人喜好" 去搞就係了... 呢個先至係真正o既難度
所在矣!
而輸出校正?? 我又唔印相, 自然就唔講啦, 以前做果行時就直接用
廠方個方式去搞正部機個輸出再自己去就番就係了... 事實上, 如
果以無做咁多年後o既今日o既知識同經驗, 做到真係99% 準直出都唔
會有問題, 事實上, 以前都已經做到 90% 準, 但係工作就係工作,
做到上頭話夠就算o架啦, 做得再好又唔會加人工或掛名昇職, 更唔
好講要執到咁正去做同試更唔會係市面上o既老細們所要求同容忍o既,
咁多搞咁多為乜? 更唔好講當時我都係變相兼差就係了~~~~
暫時講住咁多就係了!
