我的2015相機器材回顧

本來無諗過寫 但突然發現今年變化真係好大，所以寫寫個summary。

本來我一直都係用Sony(a700同nex3n)，但今年因為各種理由佢地今年都先後離我而去。當然有出就有入，今次分別轉會去Canon同Panasonic。

首先，年頭轉工後就入左Canon 6D (24-105L kit)取代有番咁上下年紀嘅Sony a700。今次真係upgrade左好多，對焦，ISO都好左好多，加上片幅大左，創作空間又大左，ultra wide透視感更好，啱哂我中意影景嘅興趣(所以入埋1740L 真係平靚正)。雖然重量上有一定增加，但畫質上升成正比。大滿足，去影相帶佢出去一流。微距就睇下可唔可以用番支Sony頂住先，支龍仔90微色水都係唔啱心水。至於點解唔揀D610同A7，D610係因為色水同埋太多負面新聞; A7係唔中意EVF加上對FF無反可持續發展性有保留，加上CANON影人色水有保證，所以揀佢。

之後去到年尾，慘劇發生，nex3n腦拴塞，入唔到memory card。攪無可攪後決定放手。本來諗過入番sony，但機身幾年無update過，Apsc鏡又無再出新(死唔出餅鏡，支支鏡都鬼咁大支，又無D平靚正好野)，無奈轉會。本身諗過入番canon m3或m10(支ultra-wide同支22餅都係平靚正好野)，可惜都係太大部，大過3n唔考慮(Portable system重點係細)。當我以為要用番sony時，我見到女友七號(Panasonic GF7)。果一刻真係驚為天人，真係樣靚身材正仲要相處非常平易近人。番屋企諗左一日，睇左一晚post，第二日已經急不及待帶佢番屋企(twin kit)。經過一番相處，女友七號唔只美貌，連智慧都兼備。對焦速度比3n快n倍(聞說A6000對焦好快, 但無鏡無反MON仲要大部)，又有iso100，最正係有觸控ae lock，E樣真係無得頂呀(當年見人部GM1我已經流口水)。色水同畫質都無挑剔。有人可能會話無淺景深，但要淺景深我有6D(就算APS-C都唔見得多幾多)，無必要角色重疊。而且自拍時因為夠景深，唔再怕一個清一個濛。去街/旅行時又方便，宜家番工帶住好似無咩重量咁。瘦嘅唔只body，連鏡都細埋(最正係支長鏡都好袖珍)。而且就算兩支kit lens光圏都細，但低光對焦都好得。不過因為iso唔太得，佢的確要大光圏加持(反正景深點夠，而且pan記鏡平而高質)。不過女友七號除左夜晚睇野唔方便外仲有個缺點，就係體力不滯，要帶佢外旅真係要帶夠電，因為佢真係好lady，連尿袋唔用得。。。。

最後黎張全家幅

(MISS左支50.8)

轉貼自己POST: https://homekyo.wordpress.com/2016/01/19/%E6%88%91%E7%9A%842015%E7%9B%B8%E6%A9%9F%E5%99%A8%E6%9D%90%E5%9B%9E%E9%A1%A7/