2014年4月2日 星期三

[技術教學] EV 值變數之運算: 半級, 三份一級之 f-值、快門值及 ISO 值之準確計算

EV 係乜? 曝光值也。

曝光值取決於三樣野: ISO 值, Av = Aperture Value 即光圈值及 Tv = Time Value 亦即快門速度, 三樣野合成 EV

至於 EV 單位, 其實不複雜, 每兩倍能量接收(Tv 和 Av)或訊號放大(ISO), 就是一個 EV Step, 即是:

1, 1x2, 1x2^2, 1x2^3, 1x2^4 ... 諸如此類。

用 log base-2 scale 去睇, 即係 Take 個 log2 再去睇, 結果如下:

0, 1, 2, 3, 4 ... <--- 呢個咪就係 EV 系數 Law!

這個對人類眼睛之現實意義, 就係接收光能量要多一倍, 人眼/人腦才會覺光了"一級"之差別~

現在假設變數為一, 其餘兩項固定, 要定個中間 sub-step 值好易, 如上, 祇要 Take 返個 Reverse (反轉) log2 可以喇, 亦即 2 既幾多次方咁(2^)!

如, 三份一級: 0, 1/3, 2/3, 1, 個乘倍數 multiplying factor 分別為: 2^0, 2^1/3, 2^2/3, 2^1 亦即等於分別為 1, 1.2599, 1.5874, 2 (準確至小數後四個位)

另例如: 二份一級: 0, 1/2, 1, 個乘倍數 multiplying factor 分別為: 2^0, 2^1/2, 2^1 亦即等於分別為 1, 1.4142, 2

咁樣, 個 ISO 值三份一級累進舉例由 ISO 100 至 200 好簡單就係: ISO 100, 125.99, 158.74 和 200, 所以d Slide 係標示為整數約數: 100, 125, 160 同 200.

光圈舉例由 f/2 三份一級去到另一級(更大/更光曝光值)計算為: f/2, 2 x 1/(1.2599^1/2) = f/1.7818, 2 x 1/(1.5874^1/2) = f/1.5874, 2 x 1/(2^1/2) = f/1.4142

以上要將乘數值開方係因為光圈值是面積之開方比例數, 而面積才是與能量接收成正比, 要 Take 一除倒數(或根本直接去除便可)是因為要根據光圈值倒除之基本定義去做。

而最後例子是快門/時間值, 如由 1/2 秒之三份一級值去到更長曝光"下"一級為: 1/2s, 1/2 x 1.2599 = 0.6300, 0.7937 及 1 秒

要計二份一級中間值同上, 一里通、自然百里明! 計十份一級都唔驚, 方法一樣啦!

所以有人要拗光圈係乜真係好無謂, 因為所有數值祇是一個曝光系數而且! 相機及鏡頭廠家在設計時已計算好一齊, 實際好多鏡頭本身的 Physical Parameters 已被隱藏了而不得為知, 這個包括鏡片之實際失光率!

以上數學運算式其實中學二年班已經教哂, 如果本身明白 Tv, Av, ISO, EV 之基本定義, 根本冇野係好難, 亦唔須要不停去谷歌維基! 正如我 nth 年前在屋仔台講: "明既自然會明、識既自然會識!"~

92 則留言:

  1. 回覆
    1. 絕對唔係乜口水野, 而係基本技術分析文章, 如果本身未識o既用心d 慢慢睇又或者再睇多幾次就會明!

      刪除
    2. 可唔可以將佢置頂呢

      刪除
    3. 老美好似簡單複雜化左 XD
      我淨係記得光圈值,是光圈直徑興焦距之間比例
      http://zh.wikipedia.org/zh-hant/焦比

      光圈值點解倍數係 1 > 1.4 > 2 > 2.8 > 4 > 5.6 > 8 > 11 > 16 > 22 > 32 ........
      因為只要光圈面積增加一倍,通光量就會增加一倍。
      所以系數 = 2既square root = 1.414。光圈直徑增加一倍,通光量增加四倍。

      刪除
    4. 好老實... 影相影成廿幾年... 都未認真用過 EV 呢個單位...

      個人而言, 用 EV 係應對曝光時 over/under 時用較多,
      同埋係考慮主體照明時考量個光度差時先會用, 因為咁樣
      講比講比講一堆 "光圈/快門" 組合易太多~~~

      又, 光圈點計我都係用由 1 乘根號 2 個方式去計,
      個人而言就更易記, 1/3 級果 D 就更懶, 頭尾光圈個差直接
      除 3 再加番上去就算... 當然家陣就幾乎背o左入腦, 因為成
      日都係咁玩 1/3 級上落... 不過真係明晒光圈快門感光度三者
      互動關係下, 就算部機無 1/3 級光圈快門可校都可以係 ISO
      果邊偷雞先先呃測光就係了... 鬼叫當年練功時部 AE-1P 衹
      可以半級光圈調整 (仲要睇用乜鏡, 用正枝係一級上落o既就
      無o野好講),因此影正片時要整濃 D 或淡 D 就衹可以係 ISO
      上出怪招,但係實際上 Work 唔 Work 就真係鬼先知...

      刪除
    5. 菲林調ISO只係影響測光,曝光組合仍是光圈快門,係沖洗時做手腳(谷沖是也)

      刪除
    6. 部 AE-1P 得個偏重中央平均測光, 加上自己係全磨沙對焦屏
      加肉眼任一點對焦, 同埋當時都未有民用 FILMSCANNER
      去數碼化... 呃測光都好正常, 事實上係燈箱同幻燈機上睇都好正,
      但係曬相就九成 PK~~~ 呢點後來係菲林數碼化o既時候先知問題
      係邊度... 濃度高光源太難打透, 真係要個技師全心全意搞先至有
      多 D o野睇... 問題係邊個咁有閒情逸志幫你搞??

      而沖洗時用谷沖/減充... 前者係用 RMS (FUJICHROME 果隻可以
      400-1600 果隻正片, 個代號唔知有冇記錯) 時俾人沖過, 係好好玩,
      不過就無試到盡... 事實上谷沖要加錢仲要逐級計... 死人都去到盡
      啦, 果陣時都已經有 Fuji FRONTIER 系統同數碼相機o既時代, 加
      埋以前讀書時俾人陷害用 Konica ISO3200 菲林影但唔係沖洗時
      谷沖... 搞到全個學系o既師生想斬開我幾十截去餵牛同餵魚...
      有呢個經歷就死人都唔去盡就係了!!

      刪除
    7. 正片n年前已放棄。
      個人認為只能projector睇,或放上燈上睇無乜意思。
      晒相又係把鬼,完全睇班大帝心情。。。
      佢地搞到鬼5馬6我夠心情唔好,可唔可以唔畀錢?妖!
      但下下都drum scan好金。

      我自已覺得,就算用film scanner,效果都係麻麻,studio影世界光多數無問題。
      slide好多時都under少少影啦,民用slide scanner搞呢d一定出事。
      算,放棄,投向digital壞抱 XD

      刪除
    8. 我都好耐無影正片了, 自從呢邊可以沖o既兩間一間 close 一間唔再
      自己處理後, 加埋當時已有 PS-G2... 所以都無再影, 而最後一次影
      菲林好似係九年前, 用部富記超廣角傻瓜影, 都仲幾好玩就係了!

      而沖曬呢個問題, 點都要睇個技帥本身, 以及佢個工作環境,
      前者就係睇佢係唔係真係 "專業", 後者實情係睇佢個老細又或
      佢係唔係老細... 不過有一點我想講o既係... 今時唔同往日,
      做老世o既唔一定真係識做, 但係多數識吹就九成係~~~~

      而用幻燈機投過成幅牆睇相係好正o既... 不過家陣有幾多人有呢個
      空間可以任用亦係問題之一, 而次次睇要 set 機set 幕裝片對焦...
      以家陣個時勢基本上都好難下... 我仲讀書時上攝影課時, 阿老師同
      果 D "跟班學生" 都要提早最少廿分鐘開始起壇, 唔係到時學生到齊
      晒都係睇幾個屁股係個幕前擺來擺去~~~~~

      而 DRUM Scanner... 呢邊係好很耐之前就有舖頭買o左...
      果陣時係果間 I 牌o岩o岩變成 K 牌一份子之後o既一兩年,
      但係個收費實在係太貴... 貴到個個都坐船過 HK 搞就算,
      結果好似係話部機真係擺到打柴咁話... 果個年代果個濠江
      要個客逐 MB 檔案輸出計價就係太難了, 家陣個市好似咁好
      亦唔係易事矣!

      而民用 Scanner... 平床唔好講, 對菲林來講同開玩笑一樣,
      除非你係影 45 o既都仲可以接受, 家陣個個話掃 120 都好 OK,
      掃 135 都可以... 係我要求太高定係家陣話 OK o既用家衹要個
      過程唔要個結果o既緣故? 我用部 Canoscan FS2700U 去掃 135
      正/負片都唔覺個輸出有幾 OK 囉~~~~

      總之, 個人而言... 菲林... 除非有個真係自己o既空間同時間
      可以搞o既話都會考慮o既... 但係衹搞黑白相同菲林矣~~~~

      刪除
    9. 一班菲林控,認為6x6/4x5,用平民flatbed都好過digital就是了。
      slide就是要暗位發色,暗位要scan得好,只有drumscan。。。r黎都side氣
      drumscan光源,強到唔使息燈。
      imacon品質唔使知,但又係天價。

      其實沖晒舖scanner都可以scan得好好,最大解像可以去到幾高就唔知,
      但dynamic range似乎比平民slide scanner,高好多好多。

      刪除
  2. 叫你睇吓d頭頭尾尾先好噴口水咖啦~~~
    ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
    基礎知識:什麼是光圈f值?

    冼鏡光
    May 6, 2010上線


    各大論壇都有若干容易引起論戰的課題,撇開相機與鏡頭誰優誰劣的論戰,比較常見而且與基本觀念有關的有:EV的定義含ISO、f值是焦距除以前端透鏡直徑、景深和片幅無關、放大率和片幅與解析度有關等等。最近EV是否包含ISO敏感度的論戰暫告一段落(參看老生常談:什麼是EV?一文),但其它的還是不斷出現,而且論戰的結果通常是各說各話,這一波爭論冷卻後不久、下一波再起時各據一方的似乎還是同一批人,對的還是對的、錯的還是錯的。我想這是論壇的常態,畢竟論壇只是個擺個龍門陣七嘴八舌的地方,但卻可能會把原提問人或初學者弄得不知所從。
    ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
    nnelson 於2011.12.29 00:22
    洗教授你好!!
    我想請教一下,當135系统全片幅鏡頭,用於 M 3/4系统時,其實際光圈數值及實際光學焦距.是不是不會改變. 是不是可以理解為 .鏡頭光圈數值與光學焦距不變,只是數碼倍率放大.
    因為很多攝影師兄是這樣思為及說法 ,焦距 X2倍 光圈 X2倍......??

    謝謝!
    版主(冼鏡光)回應︰ 於 2011.12.30 14:34
    (1)光圈和焦距都不會改變,因爲這些是鏡頭硬體特性,不會隨機身變化。

    (2) 改變的是視角,但不是放大,請看 ”基礎知識:什麼是片幅、視角、與裁切因子?”一文的仔細討論( http://blog.dcview.com/article.php?a=DzRXMQNlBjA%3D )。
    ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
    ca1123 於2012.05.15 03:51
    黃賢達 於2012.05.10 20:52
    f值跟焦距及濾鏡尺寸完全無關;跟後鏡可視孔徑及片幅有關~
    如果你的理論正確,f值與片幅有關,同樣一顆鏡頭(後鏡可視孔徑固定),裝在FF機或APS-C機上,其最大光圈會隨之改變?恕我出言不遜,用膝蓋想都知道不可能...如果有這種鏡頭,麻煩你賣我一顆,謝謝
    伊凡 於2012.05.15 13:33
    這裡討論的是「鏡頭」而非「機身」
    黃賢達兄所說的「片幅」指的當然是「鏡頭成像圈所能含蓋的片幅」而非「機身感光元件的片幅」
    恕我出言不遜,狀況外的人乖乖在旁邊看就好,不用勉強自己出發
    ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

    回覆刪除
    回覆
    1. 你 quote 果位"冼教授"講d野/畀d料好一般, 係純基本野(中三光學物理)同埋係最簡單最理想情況下先可以完全成立之理論來。

      刪除
    2. 係理論左d~~我後加果個link原本係講望遠鏡改裝,順便解析相機光學嘅就實務d,仲比較標準,廣角,tele鏡嘅野,光圈位置等等~~~

      刪除
  3. 我一路係嗰邊問645鏡上m43機"吸光量"有冇變化~~
    哈蘇由120底換做135底又會點呢~~

    首先我唔知"吸光量"定義係乜? 如跟sensor有關~真係冇乜興趣研究~數學嘅鐘意點定是Q旦~~
    哈蘇用120底定135底~~乜光圈就係控制左入光量~完~~唔通冇變要改shutter speed???
    唔會因為換左底夾就係乜野光圈等於換算其他format嘅 f1.xxx/f1.yyy~~~景深係題外話~~~

    手提測光錶度EV轉返光圈快門 (ISO fixed), 唔通有問你乜format底片sensor???真係要見識吓~~

    回覆刪除
    回覆
    1. 呢d咪就係未用過同用過既分別囉,鍵盤戰士得個講字,吹"牛"是也

      刪除
    2. 理論上,同一支鏡落唔同機身,吸光量唔會有變化。
      變化只有底片選擇唔同左。唔同機身控制光圈及快門方式亦可能有分別。
      數碼的話,可用ISO有分別外,顏色處理又唔同左,就算RAW format亦唔會一樣。

      同鏡同光圈,景深亦唔會改變,正如同一支135鏡落APS-C或FF,
      景深亦唔會有任何改變,分別只是APS-C裁細左。

      100%無興趣知佢真傻定玩人,搵野黎R,稍有研究都唔會搞錯呢堆野。
      會搞錯果班,基本上是對理論無興趣人士。
      影張相姐,唔一定要背字典既,複雜計算,好多時都可以相信相機P Mode

      ps. 機仔景深寛因為焦距短,非常極之短

      刪除
    3. 佢真係明就晨早覆o左你啦~~~~
      (可能仲估狗緊個資料o卦?)

      唔好講用哈蘇用 135 背, 你同佢講 220 背或 70mm 背時佢都可能
      6+1 一輪... 更唔好講佢用過/見過 120 鏡用係 135 系統上, 又或反
      過來... 135 鏡用係 120 上~~~~ 又或 4x5 系統裝 617/612 背...

      總之... 唔係你o地講我都唔去果個 post "消閒" 就係了~~~~



      刪除
    4. 條pk仔,只係想係其他人身上套真料堅料,
      持住小小知識就認屎認屁都算。
      最賤格地方,佢至愛吹d似是而非癈話整蠱人,玩人,
      唯恐天下不亂,你話佢惡魔託世我一定信。
      屎人人都要疴,但正常人唔會對舊屎有留戀!
      佢自已鐘食屎都算,但條pk仔仲要拎黎玩,拎黎掉人。。。。
      佢死唔死都無乜用!!!

      刪除
    5. 佢仲沉醉緊連"inin"都指唔出佢講法有乜問題,去話枝新奶同富士比乜乜物物~~~唔好叫醒佢~~浪費口水~~~~

      刪除
    6. 好鬼鐘意冼教授依句: 畢竟論壇只是個擺個龍門陣七嘴八舌的地方,但卻可能會把原提問人或初學者弄得不知所從。

      刪除
    7. 因為太多人輸唔起掛。。。
      至憎輸左唔認,死都要硬才穿,亂作一通既人

      刪除
    8. 當然,好多時並不是非黑即白,無標準答案,亦無乜對錯分別,
      個d唔搞到你頭暈眼花先奇 XD

      刪除
    9. 有心揾,網上總有d料係正路同接近實情,佢都係咁講咖~~~~問題係真心想知真相,定想做擂台長勝?
      是Q旦啦~~要贏~~拎去~~~

      刪除
    10. > y2kming2014年4月3日 上午1:38
      > 可唔可以將佢置頂呢

      好, 開個精華區擠左佢落去先~

      刪除
    11. > Wai-fung Kam2014年4月3日 上午1:52
      > 老美好似簡單複雜化左 XD
      > 我淨係記得光圈值,是光圈直徑興焦距之間比例

      呢個就係d人將件事簡單化左, 你呢個係最基本定義和完美理論計算, 而現實並非如此, 因為:

      1. 每鏡片有失光, 所以鏡片開口一定比理論計算值為之大;
      2. 鏡頭唔係 Thin Lens, 而係 Compound Lens, 所以個光圈葉擠邊庶, 就算個開口一樣大細, 係絕對對個 f-值有影響;

      所以最尾個光圈出黎都祇係有效 f-值, 亦即用作準確曝光系數, 而永遠唔會係理論直徑, 講真亦唔知用邊度去量度。

      刪除
    12. 講到鏡頭設計,已唔係一般人有能力吹既範疇 XD
      度光圈直徑計面積?咪玩啦,點度得準已成問題,全開都仲好少少,7葉仲要灣灣地果d點計?
      以前已睇過d資料,好多廠方提供光圈值並不準確。
      不過又係果樣野,影張相姐,唔使咁執著一堆數字,
      唔通有人睇得出F2.8同F.3.013454587分別咩!?

      呢d野,由得器材控同鏡頭設計工程司r餐飽好過啦 XD

      刪除
    13. "所以最尾個光圈出黎都祇係有效 f-值, 亦即用作準確曝光系數, 而永遠唔會係理論直徑, 講真亦唔知用邊度去量度。"
      ^ 如果係講有效F-值, 果個唔係叫T Stop咩?

      刪除
    14. 我既係器材控又係工程師, 不過光學野我祇識少少咁啦!

      至於幾多片光圈葉, 乜形狀, 點收法(個連動 Stepping 大細), 真係有數計嫁, 唔計唔得嫁~

      以前死馬d鏡收光圈曝光冇原廠咁準, 其中一個原因就係條數計得唔夠準, 生產亦唔夠精準咁 law!

      刪除
    15. 妖,開自_post早響麻
      咁做得鏡頭設計,硬識計呢堆數啦。
      至於咁都錯得,忘記她就是了

      刪除
    16. 我記得死馬有一支定幾支鏡,相機顯示光圈值高奇半級定1/3級,
      要加+ev補償先有正確曝光,果然係一匹死馬

      刪除
    17. 自瀆呢家野, 咪姐係打飛機, 個個麻甩仔都要嫁啦!

      刪除
    18. 又唔係嗰邊~~打飛機咪打飛機囉~~唔知佢忍住做乜

      刪除
    19. 咁如果成日都要靠打飛枝而冇正常性出路, 咁就唔係幾好啦! 奉勸各位年青人快d去識番個女朋友啦, 宅男冇益!~

      刪除
    20. Q sir到咗更連旗,唔駛煩

      刪除
    21. 魚仔根本一睇就知好多女啦!牛就反而幾乎可以肯定沒有~

      至於更年期,禾三十六之嘛,未有耐啦!

      刪除
    22. 舊年三十六,今年三十七啦

      刪除
    23. 機能有三百六十巴仙!

      刪除
    24. 明公公, 人地譚伯都年年廾五, 冇累進個喎!

      刪除
    25. 人地譚伯靠面口揾食,當然要年年廿五,但你唔係嘛

      刪除
  4. > 如果係講有效F-值, 果個唔係叫T Stop咩?

    所以就係網上理論冷知識係好多, 但現實又係另一回事!

    D 廠有良心既一早將 f-stop 會校正去真正 t-stop, 如果唔係叫個用家點用? 例如用外置測光方式實死得! 至於有鏡頭唔足稱, 標 F1.4 實際得 F2 等, 呢個係良心問題啦!~

    回覆刪除
    回覆
    1. https://www.youtube.com/watch?v=DzSlQRewS7Q

      刪除
    2. 咁好可能死馬就跟足 f-stop, 而奸狼就唔跟, 所以奸狼鏡出黎曝光始終係準過死馬, 千古不變!

      刪除
    3. This link better: http://thephotoletariat.com/f-stops-vs-t-stops-explained/

      刪除
    4. 如果要計曝光, 應該用T-Stop... 因為f-number個定義同light transmission無關...

      刪除
    5. 咁好多廠都唔咁見人囉.......

      刪除
    6. 實際上係唔同 Cinema lens, 相機鏡頭係冇 t-stop 標示。而冇校正冇標示既野, 根本就係完全冇意思。而根據小弟經驗, 好多相機鏡頭個 F 其實都係 T 黎, 咁出黎個曝光先至會準確, 尤其係宜家數碼年代, EOS 鏡便是其一, 呢個我幾乎可以肯定!

      刪除
    7. 依咖D機身有database 去校正d電子鏡咖啦。換枝老鏡落去咪見真章囉~~

      刪除
    8. 老鏡上單反無反測光係實時量度見唔到真章喇, 光圈唔足稱係個快門慢左之嘛! 用外置測光錶, 尤其係入射式, 用 M mode 曝光, 個 F 唔準就好易見, 要加 EV 先得。

      刪除
    9. 居然係咁 XD 會唔會犯商品說明條例?

      刪除
    10. 尋晚拎枝舊菜50mm f1.7, 度吓前鏡個直徑之後除吓數,又真係1.7到,懶得理囉~~~又唔係要郁手改鏡頭~~~

      刪除
  5. 回覆
    1. 老美:旁聽者不得依牙鬆摃

      刪除
    2. 小明子!李太多屎,Go to the corner and face the wall!

      刪除
    3. 人黎,拎小明子同財子出去切!明公公:我唔驚~

      刪除
    4. 龜頭閘待侯! WEEE... WUUUU.....

      刪除
    5. 來!小明子李個太陽花革命未?

      刪除
    6. 仲係完好無缺

      刪除
    7. 公公係咪九成九新,不用時長放防潮箱,有單有盒,已過保咁呀?

      刪除
    8. 明公公碌野應該係"全新二手, 祇試過機, 未出過街", 又或者係"公司抽獎禮品"之類!

      刪除
    9. 放二手既賣家,個個都千篇一律咁講

      刪除
    10. 但世事總有例外,如老美咁賣無敵兔,仲要送埋裂像對焦屏就世間少有

      刪除
    11. 咁都係果句, 機已出, D配件留番黎都冇用, 與其攬住o徒倉租, 都係畀人算把啦!

      刪除
    12. 車!禾異日賣nex5n 刀會送埋列象對蕉啦

      刪除
    13. 禾估而家部獨一無二既5n裂像對焦,應該用緊背心膠袋袋住“攝“左落牀下底

      刪除
    14. 財子d機多到玩唔晒,爛左一部半部無相干

      刪除
    15. 玩到連芒都爆埋, 佢都好 SM 下!

      刪除
    16. 可能影極刀咁爛,谷氣用黎發洩

      刪除
    17. 禾個D買返來操嘅,點同李D狗狗乘辛吖,
      就系無銀仙仲keep住用

      刪除
    18. General Manager 1

      刪除
  6. 就黎要係博士先可以影相, 真係無言..

    回覆刪除
    回覆
    1. 咁又唔駛, 識入光圈快門 Set ISO 或索性全部 Set Auto, 再用自動對焦得啦! 我成日都係咁~

      刪除
    2. 樓主已表明,以上討論可以沉底嘞

      刪除
    3. 一陣你又叫我置頂, 一陣又叫我沉底! 公公, 你想點先? 係咪要再切?!

      刪除
    4. 人生就係咁,有起有落,咁先至精采人生嘛

      刪除
    5. 妖, 咁姐係同牛無分別, 生草藥, o翕得就o翕!

      刪除
  7. 係喎~~早兩日因依個topic search吓~揾到屋仔舊po~~又係講f 值~條友勁插個版主唔識野亂講~冇資格影相同做版主云云~~唔通Q sir係...........

    回覆刪除
    回覆
    1. 係刀吳奇,攝區有邊個咁財大氣粗吖

      刪除
    2. 咁你講果個一定唔係我, 因為我之前成日講笨得"壞話", 同d粉絲嘈得兩嘈畀個板煮莫衰友 Ban Q 左!

      刪除
    3. 人品巧自然到處受歡迎

      刪除
    4. 受之深, 責之切... 問題係你唔記得o左一句 : 入鄉隨俗...

      刪除
    5. 佢喜歡我行我素

      刪除
    6. 咁老美對best應該係
      責得勁,插得深

      刪除

回應時加連結可以打: ‹a href="圖片或網頁地址"›你想顯示o既形容文字‹⁄a›, 再唔係咁樣加番d表情公仔都仲得~ >:D<

相關文章