是日... 1/1779......

點解用呢個標題... 因為呢張係 1779 張裡面o既其中一張...

係個兩個鐘頭內影o左平時影幾個星期o既相...

由好天少少開始等... 跟手落雨照頭淋... 有位好心影友幫手
遮一遮... 停雨... 開幕式... 跟住就係呢張相...

後面就... 因為為o左呢張相... 跟手全程手持小白打足全場...
原因係... 根本無機會再換鏡... 前有影友後有影友... 再前面
仲有班以為自己真係食玻璃大又 6+1 o既持証人員棟係度又
或左穿又插... 結果就... 原來佢o地隻耳仲 work, 俾我o地呢
D 困係鐵馬外都仲叫守規矩唔玩跨欄o既開口 "表揚" 佢一輪
先縮開,不過又係 "雞死雞還在"... 不停有人走出來棟出o黎...
結果就係 "表揚" 之聲不絕... 就算連表演團體自家人做記錄都
被 "表揚"一番... 有少少殺錯良民 feel 就係了!

又, 主辦方其實係好有心搞... 最少都叫原本要企係我o地鐵馬外
o既工作人員 (全部年青人, 仲幾乎全部妹妹仔... 不過唔o岩小魚
口味多)係表演時唔好擋住我o地呢 D 要企鐵馬內的人影相... 呢
點就好過之前果幾次活動啦... 因為之前o既... 個工作人員真係
棟到直一直係你面前... 結果因為無位可走就張張相都有佢份,
呢次就相對舒服太多就係了!

最後... 其他果 D... 慢慢搞都得啦, 上個星期仲有份聖像出遊未搞,
更唔好講... 花地瑪聖母像果批直頭未掂過... 就如都叫相熟o既一
位土生葡人影友話齋: "個個都去影, 不過從來都見過一張相, 個個
都係儲儲埋埋係唔知幾多年後先至搞~~~~"

謝謝觀看!!