前晚 (2014OCT18)o既夜間戶外作業~~~~

其實之前就知會有活動定表演, 因為係上星期一定二已經有人
係個場地上做綵排 (查實似踩場多 D~~~)... 個個都係後生女仔,
當時我都唔知係乜事, 因為拎住兩盒飯返緊屋企, 都無認真去睇
下係咩料子就行人...

前日叫收到風, 於是就再提前一日去睇個場地... 睇o左... 嗯...

前晚早o左去到... 因為記錯時間... 早o左成兩個鐘... 搞到成個
變態黍黍咁... 結果... 等唔切就... 返o左屋企擺低部份架生同坐
多陣再過去... 當時成場除工作人員外都係得兩三個拎相機o既...

差唔多九個字後回來... 好多觀眾... 亦唔少影相人仕...
於是就企係主辦方果位 CAM MAN 隔離影就係了... 既然企呢
個位都有規矩耍守, 最起碼一點唔衹係唔好擋鏡頭, 而係唔好
多聲多氣... 唔係實俾人 "表揚"... 見過唔少 6+1 頭企係人o地
CAM MAN 隔離影相時邊影邊吹水... 結果個 SHOT 完就俾人
係成村人面前狠狠咁 "表揚" 一番, 大佬呀, 你o地講乜 6+1 都
入晒 Mic... 叫人o地返去點樣搞????

而表演未開始前就知在場一定有人舉平板/手機影, 亦有 6+1
級影友開閃燈影... 前者主辦方無講唔得, 後者就係攝影者自
唔自律... 不過果條友唔衹一次係唔係都開閃燈影都已經見慣,
就如家陣旺角現場一樣咁 8+1 樣, 搞到我都唔敢鼠過o黎走一
轉... 但係估唔到係... 有人係最前排有位時唔帶埋個女去坐,
一開始表現時就唔係舉板/手機影而係舉高個女等佢睇... 企係
佢o地後面o既我都差 D 破戒開口要問候佢全家兼家陣流行o既
唱首生日歌俾佢聽... 跟住個發展直頭神奇... 坐佢後排個內地
人開口"表揚" 一下佢... 個媽咪先知唔好咁做... 但係內地人跟
手果招就真係令人仲 O 咀... 就係... 到佢先舉平板後舉手機影...
$%@$#^%&$%*$(%^)...

點都好... 首場完成... 一個鐘後有第二場, 不過見到果班影友
衝晒上最前排 D 椅上準備打陣地戰之時, 亦都係我要拍拍屁股
較腳之時就係了... 因為到時要後排攻撃會更難... 前排隨時閃到
連表演者都眼花 (又係果個問題, 最前排坐椅同表演者間個距離
太短, 亦無高度差), 更唔好講一樣會有 "舉機" 之仕... 既然係咁
就早 D 返屋企煮o野食同執住相加睇電視直播好過...

出住幾張似個樣o既先,其他o既又係擺 flickr 果邊就係了~~~

去片...

搞掂o左呢部份... 同日仲有立法會同個唔知乜o野戶外表演o既相
要 "尋寶" 就係了!

謝謝觀看!!