繼之前上山之後... 今日 (20150618) 就...

下海囉~~~~~~~~~~

原本就預計無咁早到 (六點前, 七點先日落), 亦已知今日個退潮最低點
係六點幾... 自然就... 落埋個退晒潮先叫做有係度o既沙灘上搵位影...

但係... 原來... 個場地變o左好多... 以前可以係好多個位就可以落沙灘,
事關係海堤做得好平, 係有少少爛但未至於爛到唔可以行上行落, 但係
就唔知邊個搞修建工程... 堆o左好 Q 多大麻石係度... 仲成個堤邊都係,
要好似以前咁行落去變成好難, 因為坡度由以前好緩變成近 60 度下坡
外... D 大麻石更未固定... 一係一塊疊一舊果隻... 結果... 早到又變成有
著數o左, 因為可以睇定定咁行落去外, 亦可以 "參考" 人o地點樣落去,
而我就係用後者, 直頭跟住前面兩位一定唔認識o既影友沿邊路繞落去~~~

去到一向影開個位, 又見到相識o既影友, 結果就卜邊吹水邊玩咁開始影,
不過影影下就各自為政去影就係, 因為個個人都有自己果個 "套路", 亦有
自己個 "喜好" 同 "取向" 就係了... 而同場亦有影友影 "延時"... 個陣地就
係我身後面近岸邊, 而我就因退潮關係就幾乎殺到去最前線影, 直到影影
下對鞋開始滲水就開始後撤就係了... 結果搞搞埋埋成九點幾先返到屋企
就係了...

對今日個總結就係... 落灘影有好有唔好, 好處係唔似企海堤邊影時一邊影
身後有車經過... 又或係你身後慢駛, 更甚係停埋車過o黎問你影乜 , 唔好
o既係... 行上行落唔係件易事 (特別係入黑後... 今次帶埋頭燈以防萬一),
同埋行出去影又好, 係岸邊影都好, 不論腳架/相機袋/相機/鏡頭同埋衫褲
以及對鞋都入晒沙... 幸好附近個公園有公廁,,, 咁就可以洗一洗腳架先,
唔係醃到返來又唔記得跟就實出事...

吹水吹夠... 係時候去片...

 搞掂... 抖多陣就去搵同公問問明日再去多次呢度定去唔知邊度再影就係了~~~

謝謝觀看!!