[圖多文長] 是日... 東望洋爬樓梯大賽~~~~~

話說...

之前都講o左, 呢個月因為有搞作所以東望洋燈塔會逢星期六/日
都會開放... 所以... 個人就... 大鄉里一次摸過去就係了!
(東望洋山o既防空洞就進出過無數次, 但係燈塔就幾廿歲人都未
入過去...)

原本以為人山人海... 先排隊坐纜車再排隊呢樣果樣先入到去,
點知... 第一關纜車係... 可以包車卡上... 上到去再步兵十分鐘
多少少去到... 唔係想像中咁多人, 但亦都唔少人就係了, 最後
就自然係分批次進場爬樓梯就係了!



咁燈塔內有乜o野睇? 答案係... 無... 衹係擺o左 D 以前用既儀
器係度展示咁解, 不過 D 樓梯就真係幾好玩... 特別係身高特高
o既, 又或揹住個大背囊o既, 又或腰部 "富有" o既, 又或唔知搞乜
著裙入去o既幾乎都會出事... 出乜事? 一係卡住, 一係撞, 一係走
光~~~~~

個人就自然 "中招"... 因為揹住個背囊... 結果係上到最高一層前
就請在場工作人員幫忙照顧個背囊一陣就係了, 呢個真係感謝佢
o地個支援就係了!

跟住爬埋最後一度樓梯上到最上面個平台o既同時... 跟足我幾廿
年o既 "畏高症" 即時現型... 特別係腰上掛住枝 1.5L 水時就更有 "感"...
風大, 人多... 仲要塞係內側... 個平台唔係真係平... 果種 Feel 搞到我都
6+1 係o黎... 不過企o左幾分鐘就無太大問題就係了, 既然無問題就開始
亂影就係了...

跟住就唔使講先然落樓... 當然有拎番個背囊啦...跟住回到底座門口, 同先前果
次傾過計o既工作人員打個招呼就行出去 check 下相... 點知一 check... 就...
要再入多去一次... 因為... 枝 10-22 原來 set o左去 MF...... 唔怪得影室內時咁
爽啦... 結果又要煩多在場人仕一次去照顧個背囊多一次就係了~~~~

而前面講著裙會出事就係第二次入去時見到個 "先兆" o既... 當然作為一個真
小人自然唔會睇埋個 "過程" ... 更唔會舉機影... 唔係家陣可能仲瞓係山頂醫院
都似... 人o地可是成七八個人一齊過o黎o既...

到第二次到最上層平台, 自然都係影... 仲順手補影呢個多一兩張...

之後 check 過相無明顯問題後就準備散水了... 因為... 係好好風但係都好曬...
當然散水前梗係影多一兩張就係了~~~~

之後就... 搭番纜車落山.. 原因係... 同上山前預計一樣... 腳會軟, 所以買埋回程
票... 跟住就去探下 "BOBO"... 不過佢都係無出場... 咁死熱... 吹下冷氣好過啦...

咁就玩足幾個鐘... 行到腳軟外, 個內地生產o既背囊都扯到甩帶咁滯...
好在佢仲捱到返屋企時都未甩晒, 唔係就真係仆街了...

搞掂... 謝謝觀看!!

ps: 明日就去媽閣個海事博物館~~~~~