等專車等到破記錄之第五屆中國(澳門)國際汽車博覽會...

真係...




我家陣至發現自己真係好很有耐性,
係個專車接送站企足 105 分鐘去等架專車到...

你o地無睇錯而且我亦無打錯, 係 105 分鐘, 即係
一個鐘頭四十五分鐘...

佢o地個班次表寫就 30 分鐘一班車... 實情係...
最少一個鐘先有一班車到... 呢個係回程時又搭專車
返澳門半島時同其他乘客度問返來o既, 連個司機都話
真係成個鐘先至掂...

咁... 明知塞車... 點解又唔租多兩架車去跑??
真係... 唔知點 "表揚" 佢就係了!!

總之, "唔使錢o既先至係最貴" 果然係真理中o既真理,
唔使見過真理之門都會明~~~~

好o勒, 回到正題 (?)... 去車展, 自然就係 "醉翁之意不在酒"...
點知... 就... 可以咁講, 可能係因為第一日又係星期五, 所以
"主力" 全部未見人, 而因應 "市況", 唔少品牌以前獨佔一大個
攤位, 家陣就幾個品牌都縮晒埋一齊... 如家陣 "大熱" o既
"鑊屎娃近" 就縮到係個場刊見到有, 但落場時就唔知係邊, 而
另一個係台灣大熱o既 "掃把佬" 就直頭失踪... 而個展區由以
前一次過三/四個場區係同一層樓變成分兩層樓, 結果就要先
走出場區一再搭電扶梯上去第二場區, 跟手再領一次入場卷
再入第二場區, 又或唔X睇咁X煩就直出走人... 而最值得玩味
o既係... 同一個展覽會有兩次入場先睇得晒... 係唔係有少少
o野係裡面就係了!

而暫時唯一做得比上年好o既係... 超級豪車 (?) 區變成免費入
場... 以前要俾 $ o既... 不過... 上面都提過, 唔使錢o既就最貴...
因此真係所謂 "豪車" 就衹見賓利, 林布, 同 TESLA (?)... 上年
果 D Lotus , 拉利, 麥拉倫就... 變成一個 "Macau Super Car Club"
... 個展示方式... 似足賣二手車果種咁... 有少少無陰公 feel 就係了!


出住幾張先... 當然有車亦有車模 (SG) 就係了...
唔好要求太多... 家陣仲腳震緊, 個晚餐都係一個鐘前先至食~~~

暫時就係咁...

謝謝觀看!!