真係... 買機唔會送技術之舞台拍攝...

真係... 有咁o既人大家都時時見, 但係今日去影時遇到呢個真係絕中之絕...

重點講解如下:
1)今日晨早搭巴士過去, 由屋企起步到達會場衹係用o左唔夠七個字...
2)已知有車模行 T 台... 於是就八卦去影, 企係主家座面, 而另一位影
   友企係我左邊後面, 大家真係相安無事, 因為我前面係無人企, 主家
   座係有人坐, 變o左係無人阻擋... 呢個世界如果日日係咁真美好!
3)因為用o左背囊唔方便換鏡, 又埋位遲少少... 焗用枝 24-70L!
   但係叫做個 T 台夠高, 亦有足夠距離, 變o左都算好影, 係無得影大
   頭咁解!
4)影影下, 後面 D 人開始湧上o黎, 但係都叫有規有矩, 最少唔會 6+1
   擋住做人牆!
5)跟住有內地影友發傻... 橫過主家座前面, 跟手就企正係我前面影...
   仲要係... 影一足睇一次 replay...
6)我已經叫佢座低個身一次 ... 跟住就有十秒至十五物可以影, 次後
   再棟返起身... 我身後果位都已經開始妖妖聲... 之後佢就企係主家
   座上面影... 佢用小白就問題唔大, 高o左仲有著數, 我呢??
7)當我影下時, 我前面果條 "人牆" 竟然問我點解佢影o既都係又黃
   又黑係咩問題... 真係... 我真係想講唔識影就唔好擋人影啦, 佢阿媽
   安好呀... 拎住一部 Nikon 加一部 Canon DSLR 都係拎字呀??
8)我忍住度氣同佢講... 我唔知你個 SETTING 所以唔知係咩出問題...
   我睇都唔會有人會認為我真係要較埋佢點影呀???
9)影完, 執o野走, 同原本企身後果位, 亦即係後來棟高果位打個招呼就
   各自搵o野影...
10)之後係點? 我由十一點幾影到三點外收檔時, 果條 "人牆" 都仲係場
   內, 而同佢一樣咁樣o既影友都唔係少數... 影影下成個人棟係你面前
   影又有, 帶埋自家道具o黎影亦有... 即影即有印相機都出埋... 我都同
   意果位車模/SG 係好突出o既一位, 但係果三位 (係, 三位一體) 真係
   似o黎博溝多過影相就係了!

講完就舒服o左 D...

最後自然有相睇~~~~

點樣先唔會黃黃黑黑? 一方面係經驗, 一方面係個場本身個光源夠唔夠好, 當然, 閃燈唔夠力回唔切電就係另一件事就係了!

暫時就係咁囉~~~

謝謝觀看!!

ps: 如果覺我黃.. 直接係 PS 度用攝影濾鏡-> 82B 14% 就會比較 "平衡"~~~