煉仙~~~~
點舛會係差少少跌鏡自然係自己狀態不足, 事實上係前一日
去影荷花節開幕就已經係咁, 天氣熱加埋其他同場影友亂咁
o黎搞到有影友擒鐵馬擒到差 D 搞出大頭佛 (呢樣要學下香
江o既人啦, 跨/擒欄/鐵馬好似由細練到大咁~~~)... 跟手有肚
皮舞表演就影到亂七八糟無張得, 再跟手影 Model 又無晒
Mood, D 相自然又唔見得人... 跟手仲睇波睇英格蘭輸波後再
瞓搞到遲o左起身影少o左一場哪叱出巡, 跟手出o左一轉內
地收貨再返屋企後再出去影呢場... 真係有少少傻就係了!
當然... 呢個問題唔衹係我一個人遇上, 荷花節開幕時就有
唔少影友, 觀眾都講呢個問題... 因為係呢個月內都排o左好
多呢 D 節目, 更唔好講其實呢兩日連東望洋燈塔 (松山燈塔)
係開放日可以上去個塔上影... 咁你預埋排隊上纜車之後再
要行十幾分鐘 (行得快果隻) 先去到東望洋個碉堡上, 唔小心
人多又要排隊上去... 一來一回又兩個鐘, 點頂???
跟手下星期又玩炒埋一碟... 夏至音樂日又撞埋聖約翰節,
仲有幾多節目又會少埋一齊就真係唔知啦, 家陣個腦都己
經 6+1 晒...
唔打咁多字啦, 手軟了, 出住幾相就係就係了~~~~
仲有興趣o既就過去 flickr 睇就係了...
搞掂, 謝謝觀看!!
真係多野影 , 香港都冇咩想影
回覆刪除真係辛苦晒你:p
刪除香港好似唔覺有聖人出遊，幾特别 :)
刪除神早上左天 , 得返D神棍
刪除咁聖經都有講末日來臨前有假先知~ ;)
刪除本地一年最少有好幾次聖像出遊, 又有唔少值得去影o既
刪除表演, 好似好好咁, 但係通通炒埋晒係果幾日就真係...
(今年最少仲有個望德堂o既, 上年係晨早出, 不過我就
miss o左...)
而果 D 無啦啦延期o既, 好似今年個賽龍舟... 話就話
"馬先生" 個問題... 但係咁樣一延唔少人都 @#$!$%@^,
參賽o既如是, 影o既亦如是... 呢 D 都幾頭痕!!
又講漏o左... 先大三巴哪吒出遊 (澳門) 再荷花節開幕 (潭仔),
其實後面好似仲有個係觀光塔 (澳門) o既校花校草 (?) 選舉
決賽... 如果真係連東望洋燈塔開放都計埋, 一日內最少四場,
影得晒真係要有人幫手接送先有機會影得晒, 唔係自己揸車
就搵位搵到你發傻, 等巴士就等到呆, 打的?? 下下拒載保証
令人發癲~~~~~
跌鏡係好正常, 奸狼設計問題, 一心急就易出事, 唔關個人狀態事~
回覆刪除Canon 一向推祟o既快速換鏡就有呢個罩門啦~~~
刪除以前 Old FD 年代, 即係銀環果種, 衹要轉到部份上去都唔易甩,
因為銀環係同鏡身同軸轉而唔燧一齊轉, 上唔實再擰鏡身都無咁
易出問題...New FD 就係轉唔晒個觀景器會黑o左 (光圈未全開),
一睇就知,更唔好講仲有光圈環可以睇到... EF 就... 特別係大大
枝o既 L 鏡, 上唔實唔會點為意, 加埋唔為意左手逆時針一擰枝
鏡就...
總之都係要小心 D 就係, 呢枝係繼某之外影唔小心係鏡尾打o左
指模唔知仲影同影影下先知個反光鏡內有條狗毛外又一次好教
訓...