羊年到... 自然有第一擊... 不過...

自然唔係呢邊例牌多年o既新春舞金龍... 因為實在太多人去睇,
亦唔少人去影... 加上咁多年來都係同周公捉棋捉到中午先起身,
自然無機會去影... 而人多o既地方我亦唔多想去, 所以今朝好早
起o左身都好都係唔去啦... 費時一爭位就即時 "開年" 就係了!

而作為掛旅遊城市之名實賣娛樂博彩之實o既濠江, 係旅遊上
先然會落唔少功夫, 唔係真係會被人斷正就唔好, 所以就會有
好多唔同種類的 "節目" 同 "裝飾", 而呢樣o野連眾博企們自然
都會落下功夫, 唔係又係俾人借機炳兩下同抽水就唔好~~~

晏多少少就會過去鄭家大屋果邊行一轉, 因為有醒獅表演,
希望唔會太多人到場, 唔係以果個唔係大得個長o既場地下
要影就真係玩自己多 D, 至於到時係點就執生就係了!

而家陣就順手出兩加一張作日行本地花市 (唔係市花行) 睇表
演時影o既相... 其實呢... 個表演貢目都好多下, 不過因為趕時
間就無辦法影得晒, 同埋影到後邊出o左問題都唔知, 剛才睇
相時先見個問題... 頂... 果條手腕帶都係時候要佢退場, 係緊
要關頭時就出來搞局就係了!!

去片...

最後呢張係祝大家齊齊 " 發羊財" 囉~~~~

謝謝觀看, 並祝大家新年快樂, 身體健康!!