即係...
就... 周度搵留佢囉~~~~
原意係... 去影貓... 天氣熱去影真係一步一汗水...
影影下... 停一停抹汗時... 眼角望到外圍地下有o野郁,
跟手行近 D 睇... 頂... 原來係 "兒童" 落地...
基本上, 佢仲未真係會飛, 因為尾羽未出齊, 所以就跳下跳下,
而佢o既雙親就係左近準備餵食, 問題係我棟o左係度... 所以
就要後移就番佢o地... 問題係... 我都走到好後佢o地依然唔
埋位而係不斷引領呢位小朋友跟佢o地走位... 結果係點... 我
都想知... 多謝企係我後面果兩個人類家長越講堰大聲, 搞到
我要回頭望下佢o地係唔係想 "被表揚", 再轉頭就唔見o左囉...
講真... 希望佢唔好被貓見到... 唔係就死九硬, 亦希望佢捱得
過剛才果陣暴雨...
謝謝觀看!!
令人擔心呢!!!
回覆刪除冇方法送他返原位
刪除澳門有冇動物組織?.? , IF 香港 我會CALL 動物組織幫手送回原位
刪除返唔到個巢，死梗 :((
刪除1)澳門好似有類似組織, 問題係我唔知佢o地電話~~~
刪除2)個巢位係邊? 點知~~~
3)早熟性鳥就問題唔大... 最緊要避開獵食者同捱得過
呢期個天氣... 又熱又大雨... 人都死!!
最後... 係現實層面講... 物競天擇... 自然界o既o野,
人為介入越少越好... 係殘忍但亦無可奈何矣!!
不過動物組織救到之後訓練他返野外就最好 , HK動物組織人手不足呢個最大問題 , 工作關係成日同愛XX恊會D人吹水 , 救左D貓狗冇人認養就要人道XX
刪除等佢o地做o野好多時都真係好咩咁...
刪除唔係人手問題而係根本好多時都仲要佢o地以外o既
第三方去做o野, 但係敢唔敢叫, 叫唔叫得郁同埋到
o左又真係唔係幫到手就...
上個月底時我撚開貓個公園就多o左隻貓... 走o左去
個空置o既公務員宿舍大樓內唔識返出來, 結果成日
慘叫...餵貓阿姐叫呢邊 "動保" o既人o黎幫手, 結果就
乜都做唔到外連消防都唔敢叫, 結果...就... 估都估唔
到隻貓個主人就係住係附近, 聽餵貓阿姐講就衝入去
睇... 一確認就 Call 消防幫手, 結果成個過程都唔使半
個鐘, 個貓主人開心, 餵貓阿姐又開心, 連幫手o既消防
一樣咁開開心心去做就係了...
回到你講o既問題... 真正解決問題o既方案就衹有鼓勵
收養去取代 "購買"... 唔少人都係屎忽痕就走去買隻返
來養. 養養下屎忽唔痕就見麻煩就棄養, 貓狗如是, 龜
如是, 免仔龍貓四腳蛇雀仔都如是, 更唔好講其他更扯
o既... 我屋企人就係咁認養o左兩隻兔, 兩隻都係被前
主人拋棄o既... 呢邊某公園就捉到刺蝟... 問題係... 既
唔會係本地物種外, 隨時仲係受保護動物... 就係公園
野放... 係唔係想被人打就係了... 而據講已知三隻捉
到兩隻... 仲有隻唔知係邊...
而呢邊市政狗房都有唔少好貓好狗被捉後待人認養, 因為
時限一到就要人道xx... 對上一次入去時望下 D 籠內貓狗,
隻隻都好可愛好親人, 都唔明點解佢o地都棟晒係籠內等人
幫就係了!
就算搵到你將佢擺番埋位, 因為你contact過佢, 佢會有些少人味, 父因一聞到有可能成個巢放棄.
回覆刪除睇個樣防水毛已經差唔多生齊, 係差幾日就應該飛到... 父母如果仲肯帶佢番去個巢下面, 應該會肯繼續比野佢食.如果好彩無比貓發現應該都仲有少少機會.
似乎你比唔少人更心水清~~~~~
回覆刪除我係另一邊 post 呢批相就有人問 "後來點呀, 佢會死o架..."
老實一句: 有時候越幫衹會越忙... 而相思呢類早熟性鳥本身就係
咁上下... 唔好話有人 touch 過, 衹要有 "持續干擾" 下雀鳥一樣會棄
巢... 呢 D 事以前讀書時就見過唔少次, 有幾次搞到校內生物系班大
少差 D 為o左呢 D 事同某些 "學會" o既同學先動手而差少少再動手...
最後係點自然係 "學會" 班傻 B 要撤退之餘, 仲俾人點晒相唱通全校
... 而個人有幸有機會長期中距離觀察過一個白頭鵯同大卷尾o既巢...
前者... 因為係通道下結果唔衹我一個知, 最後連個巢都唔見埋... 後
者... 十公尺左右高... 加上大卷尾會有極明顯o既護巢行為, 因此唔衹
成日路過o既旺才成日被攻擊, 連我當時用望遠鏡睇都俾佢o地企係我
頭頂 " 警告" 多次, 好在無 "投彈" 唔係就真係~~~~
而我見過最扯o既一次係當時校內圖書館個騎樓底一向都有家燕係度築
巢... 有巢自然有 "便便" 從天而降同成地都係... 唔知邊 Q 過 6+1 頭去投
訴, 結果係某一日行過時見到群燕飛舞, 悲嗚連連... 因為全部巢位被人掃
走晒... 搞到個個同學學長弟姊妹們一入圖書館就一邊 "表聲連連" 外仲入
去搵人問係邊個搞出來... 第二年後就無人再敢再掃場, 邊個掃邊個投訴就
準備上"名人榜" 被大家 "表揚"...
講番轉頭...
就如先前講o既, 親鳥當時在附近, 而當時 D 貓就食到飽飽o地, 相
信果陣時係唔會有太即時危險... 但係隨o左之後果陣暴雨外, 其他雀鳥
又會唔會攻擊埋一份就不得而知... 唔好以為衹有猛禽先至會食肉, 雀鳥
本身都係機會份子... 有機會有肉食又何妨果下先至咩就係了!
其實都係睇得英國d電視多姐. BBC好多呢d保育節目.
回覆刪除雖然遇到呢d事係幾慘, 但其實都好常見. 只要唔係比人類/貓整 (/玩)死, 而係比其他動物食左, 止終都叫係大自然既隋環. 雀仔隻生咁多隻蛋都係想有一兩隻過到難關. 只好幫佢裝番柱香, 或者幫佢奇下土. 我同一日去左london個濕地公園, 見到有隻雞娜咁大隻烏鳽偷集個lapwing巢. d lapwing得佢三份一身型, 邊有得打. 只係眼白白見住有隻B比人食左. 但係有幾隻B, 只希望唔會全軍覆沒. 有時大自然既野, 唔到我地出聲. 我地只可以尊重同明白個過程.
但當然如果見到d 食飽無野住既死肥貓我都會一腳飛埋去 XDDDDDDD