是日八大張....

昨日走o左雞... 原以為天氣唔穩定隨時會落雨, 因此無帶機去影蘭展,
不過順路都會行過去... 就... 陽光普照囉....結果今日就夾硬就走影就
係了~~~~ 不過因為要開餐先變成去影個 "潑水節" 先就係了~~~

不過...


真正有 "潑水" o既係明日係黑沙海灘果邊搞, 是為年年重頭戲,
個個影友都去影... 叫做去過一次咁大把, 爭位影爭到暈, 來回仲
成個幾鐘頭車所以都係咪搞啦... 所以明日我一定唔過去果邊影
就係了~~~

出o左今日食飽飽後影o既相先...

以上o既食品... 我都未試過就係了, 同場仲有好多小食甚至成隻燒雞賣,
不過老實一句, 唔算平... 過下癮係 ok, 要食飽就行去附近o既茶餐廳會更
實際 D...

而係三盞燈圓班地上係有個表演o既, 叫做影o左 D, 不過唔出相啦, 因為
無張真係見得人就係了...

跟手係蘭展...

場內人任唔係多, 相信又係天氣問題, 變o左唔係太多人係呢邊影, 早知係咁
就 6+1 D 擔埋腳架過去, 可以棟係度慢慢影而唔係家陣全手持硬掘就係了!

 好, 搞掂, 睇下明日個天又會唔會好搞o野, 唔係就擔埋腳架去搞搞震多一次就係了!

謝謝觀看!!