時候到.... 又o黎灌水... 是次一個主體起雙飛...

如果睇o左個標題就諗o左去唔知邊一邊都唔緊要,
反正衹有你自己知,  我就一定唔會問, 不過仲有冇其他人或身邊人問就另計~~~

果個位... 其實都係某 D 影友講.. 後來我就 "一步一腳印" 咁行上去,
事實上唔算高, 衹係個位比較隱敝少少, 同埋一貫 "好o野唔外流" 下
就衹有唔算太多人知道... 不過互聯網興起, 加上唔少影友兼網友都有
舖 "分享癮 "下, 再加上 "估狗地球" 同 "估狗地圖" 都叫做夠準確下,
變o左好多人都可以騎電單車上去影, 但係呢個世界就係咁, 人多就亂,
結果就係同影煙花一樣, 想有個好位影o野就唔該早 D 上去霸位...

不過早到霸位都未必有用, 因為後來o既可能係傻o既又或自私心好重o既,
前者會傻到架枝三腳架係你部機後面... 即係要你"腦量子波"搖控部機去影,
後者就係你唔為意就推開少少你枝腳架甚至真係搬開你果個陣佢再擺自己
o既上去...呢兩個情況暫時我衹遇過前者... 即時同另一位叫做相熟又坐係隔
離o既前輩一齊開口"表揚" 果條友... 後者據講有人試過, 差 D 齊齊唔使影去
差館落口供...

最後, 呢個位真係幾 "萬能"... 影 Magic Hours 掂, 影煙花表現一樣掂,
影觀光塔自然一樣咁掂就係... 影女就唔知啦, 未試過就係了!

去片!!

謝謝觀看!!