丹麥港口城市奥胡斯(上篇)

好鬼耐之前講到, 出 Trip 去左丹麥第一大港口及第二大城市, 奥胡斯。

小弟做野有拖冇欠, 講過上圖, 一定會做!~ 好, 去片! ;)

我住酒店間房對住堆碼頭, 嘩, 呢艘郵輪大到呢! :-o


好多古舊建築, 呢個歌劇院黎。


呢間屋就似荷蘭果d。


古老教堂, 哥德式果隻, 可惜冇時間夾唔啱入去參觀、影下相! :( 另呢個城市d人好鍾意踩單車, 而政府亦有免費單車隨街供應, 入兩蚊歐羅按金即可駛走。


好, 去醫肚先, 呢間餐廳有D特式, 又見咁多當地人幫襯, 入去試下先~ :)


呢兩隻丹麥佬出名啤酒, 一隻生、一隻熟。


原來"死亡筆記"果隻"死神"響歐洲係出名o架, 我響呢座建築物個頂見倒佢, 所以影左佢落黎。


呢間屋個入口又幾過癮, 整到成個郵筒咁。


又一日, 返酒店, 啱啱日落, 北歐日照長, 夏天成八九點幾先至天黑。


星期六, Holiday, 當地人都出海玩, 佢地熱愛水上活動。


步行上市中心小山, 果度有個彩虹頂既展覽館, 係我既第一個目的地。


咦, 小朋友對雕像個 JJ 好有性趣口喎, 媽媽就性教育緊佢~ :D


行左幾個字, 終於到達喇!


首先上左個展館建築物天台部份, 係有個七色玻璃長廊, 圓形走一圈的。不過果D唔係普通玻璃, 係好大塊既偏光鏡來, 咁啱我副太陽鏡也是偏光鏡, 一看部相機電話個芒可以有時全黑一遍, 要除鏡, 不過D芒望落都係有D古怪..


由天台一路向下行, 有唔同展覽館, 由古董古畫古雕塑到現代以至後現代都有。

留意最尾果張個蹲低雕像, 超大! 可望出入口玻璃門比較~ :-o

地下及地庫果有個主題叫"FACE"既視覺藝術特別展覽, 好有趣, 值得一看! :-bd 好多展品會郁, 有聲有畫, 我都拍左好幾段片~

以上最尾果張相左邊張一百蚊人仔阿毛主席咀會郁又會講野有聲的, 但係完全唔知 Up 乜春, 可能係丹麥語, 有創意哦! :>

臨走, 影下展館外牆佢張大 Poster, 不過咁啱太陽光入左少少鏡, 即 Fog 到飛起加大光斑! :( 所以話奸狼鏡 D Coating 真係超廢(我同賓得 SMC 比~), Zoom 鏡尤是, 紅圈也不例外! :-X


下回續! :P

所用器材: 奸狼 5D3 + EF24-105/4L + EF40/2.8STM

[版權所有, 偷相必究! QE3(c)2014]