由 "白平衡" 果個 post 而來的無事又搞事o既 post~~~~

原因嘛... 身痕/手痕又心痕囉~~~

當然啦... 其實耐唔耐都會 "搞" 下其他網友o既相,
不過自娛為主, 好少會再掟上網, 原因係幾個方面o既考量,
其一係自己個 "系統" 同其他人唔一定一樣, 變o左我搞到出
來o既 "結果" 人o地睇唔出又或唔係我所預期o既; 第二係
點講都好每個人對顏色/光暗個辨識/認知都唔一樣, 搞人o地
o既相個成果又係好難話個個都 ok; 第三點先係最攞命,就係
"自尊心"... 呢個原作者如是, 作為多事o既 "修改者" 一樣如是,
有乜依郁隨時係開拖幹架收場, 咁樣o既前題/考量下... 不如
河蟹下就算~~~~

但係呢次有少少唔同, 最少問過原作者係可以掟上來,
咁我自然就可以放肆多 D 就係了~~~~

係呢度就講下我係點改...

其實...唔係好難, 但係要知係 PS 度有乜功能可以幫你搞,
同埋自身對色個認知係點...

而硬體上... 衹要個 Mon 唔係偏色太離譜以及光暗太過火
都可以做到一定o既效果, Mon 個校正唔一定要用外置o既校色
器去校, 因為市面上真係掂o既果個校色器唔係平, 而且好老實
一句, 唔係個個都咁在意於 100% 校正個問題外, 仲要幾個星期
或每個月花時間校正一次... 唔係真係搵食o既又邊有咁多地球時
間去搞? 更唔好講用校色器唔係單單俾錢買裝o左校在就真係得,
後面跟住要做o既同埋其他細節o既你唔跟足就真係無咩用, 同唔
少所謂玩家以為用名機勁鏡甚至銘鏡就一定可以影到靚相一樣咁
咩囉~~~~ 而家陣 OS 上面都有校色o既工具程式可以用, WIN7
內置果個就係我家陣都會用到o既, 係幾陽春下但最少都叫校正過,
而比較好用o既又唔使錢o既可以考慮 Calibrize... 當然啦...如果
自問唔係好搞得掂o既用番 WIN7 內置果個都叫 OK 就係了!

回到正題... 就係...張相我搞過乜??

其實好簡單... 我係用 PS 個 "Select color" 個功能
去針對張相係我個 Mon 度個表現去修正個色矣!

當然, 要留條後路比自己, 係咁樣搞之前最好係用 layer
個功能, 加多一個 layer 後直接去搞個新o既就係, 唔掂就
咩o左佢之餘, 又可以多加幾個慢慢試, 之後整幾個唔同版
本俾自己揀後再合併都唔遲~~~~

"Select color" 會對張個色彩分成好幾個部份俾用家去搞,
如果你睇到張杷係黃... 就針對特定個部份去減少黃色個
比率就可以, 但係有一點要講o既係... 有時候你減一個色
o既比率o既同時亦等於增加o左另一個色o既比率, 因此要
咁樣搞一係你好熟個色, 一係你肯去試到o岩, 呢兩個方向
就睇個人啦~~~~

就用番張相去講, 減黃之後個色依然係黃黃o地, 隻手會無
咩血色... 呢個時候就要加番紅同洋紅, 甚至其他...唔同時
候唔需要啦!

而用呢個方式... 熟手o既好快就可以搞到張似個樣o既杷出o黎,
而靚定唔靚, o岩唔o岩心意就可能係另一件事矣!

(事實上以前係個所謂影樓幫客影大頭相... 因為 set 個好,
根本唔需要用呢個功能... 反而分店果邊o既同事就成日用,
因為... 個影樓同影同整相o既果幾位都有唔少問題囉~~~~)

大慨係咁啦... 準備出門辦事去~~~~

最後, 感謝張相個原作者 "Siu Yu" 俾個 "許可" 俾我去出相!!