是日... 例牌時間例牌相.. 係企個位唔同....

好幾日都無出去果度影... 於是今日又走過去果度影...

不過今次身痕多 D.. 唔再企係堤上面影, 而係行落沙灘搵位影...

其實, 以前都試過企落去影, 好處係取景個角度自由度大 D,
唔會再走樹呀, 人呀走入鏡, 亦唔會被堤邊飛馳而過馬路o既
車震動所影響, 但係就要面對潮汐同腳架/相機/鏡頭食沙個問題,
當然仲有係係無 "正式" 通道下點樣走上走落個問題, 因此係出
門前己經有一定準備, 睇o左潮汐表, 架生就盡量少, 相機袋都
用比較細果個偽人仔七佰萬... 不過去到後開機一睇... 頂...
果兩粒電都差唔多無電... 而備用粒品勝就無帶... 因此衹好就住影...
而為o左唔使走人時要洗腳架o既膠袋又無時間套上去, 結果係
走人時要好小心去抹走腳底o既沙, 跟手去埋公廁沖水再抹乾,
好在真係唔趕時間 (部機都無乜電可以影耐 D, 同埋今日個境
唔係靚都係一個因素), 因此搞埋返到屋企都夠時間睇埋場曼聯~~~

又, 同一時間唔衹我一個係度影, 最少前後都有四位影友一齊影,
都叫做有講有笑就係, 但係講得笑o黎又唔記得對焦... 總之就好
幾張炒o左就係... 睇番都唔肯定係焦點未對好定係無用快門線
個問題... 不過因為習慣一次過影幾好張, 所以都叫有o野睇就係了!

去片~~~~

謝謝觀看!!