2014年5月13日 星期二

[見報了]捨棄31年相機店 賓得教父收檔避........

【蛇果報訊】俠客行改變香港零售業生態,恩客至上的連鎖商舖滿佈大街小巷,相反老實小店卻接連倒下。由香港賓得(Pentax)攝影教父開辦的「風度攝影器材」店,早年憑「買嘢教影相」及全港優先試機的人情味服務屹立紅磡31年,雖然店主自資買舖,避過租金翻倍的壓力,卻仍敵不過區內變天成為服務俠客行購物區,本周六(17日)正式結業,本港相機迷從此又少一個交流心得的聚腳地。

蛇果記者:黃學潤 魏嘉琳 周子惇

甫進紅磡廣場入口不遠處,有一間毫不起眼的相機舖「風度攝影器材」,門外玻璃櫥窗貼上「光榮結業多謝支持」的告示,擺放鏡頭的櫃架早已空蕩蕩,只剩零散配件發售,店內斷斷續續有人流進出,全都是有如求醫斷症般,希望店主品評相片。
雙方一談便要十數分鐘,李臨別更以作品相贈。這種人情味服務,李貫徹了31年,至本周六曲終人散。

出任大專客席講師

原來這個只有400平方呎的小店,有一名隱世高人,店主李謙和憑着使用賓得鏡頭拍攝的獨到技巧,2003年起獲邀請為專業試機代言人,每次新鏡或相機推出巿面前,他率先試用及撰寫報告評價。1995年全港僅獲批三部、巿值2萬多元賓得LX鈦金屬菲林機,他便擁有其中一部,其後獲雜誌及出版社推出影集、寫專欄,並出任中大校外進修學院客席講師,成為香港賓得攝影的首席教父。
多年來,不少賓得迷到場打躉,雖然大多只問不買,但李謙和總笑着講解:「唔好下下用Photoshop執相,只會越執越假。」雙方一談便要十數分鐘,李臨別更以作品相贈。
李謙和對攝影的執着,早在他15歲時花了2,000元買下第一部賓得SP菲林機時已經萌芽,當年他帶着這部菲林機到台灣修讀藝術,1970年闖出名堂開設個人攝影展,畢業後回流香港與數名友人合資在土瓜灣開設照相館,可惜6年後被業主收舖,拍檔四散,他卻決心堅持下去,1983年斥資68萬元買下現址繼續夢想。

工廠區變購物勝地

紅磡區現由工廠區變成俠客行購物勝地,舊街坊相繼遷出,李對xx旅客有氣。「最唔舒服係冇禮貌,隨便搞你啲嘢,粗粗魯魯拎嘢,唔會錫住你啲寶貝,一車車出入又擾亂人流交通」。最終他不敵俠客行,決定退休。結業期將至,一批老顧客相繼朝聖,當中由少年光顧至中年的Benny最為不捨。「呢度唔係買一件嘢就算,你影完佢仲問你有無相畀佢睇吓,教我點樣昇華技術,甚至佢試過攞幾萬蚊的私伙珍藏鏡同我講『你攞去玩半日』,呢啲先叫人情味」。 

引自蛇果

9 則留言:

  1. 香港真係多得 "俠客行" 唔少 X(

    回覆刪除
  2. 李生單野我成個月之前一早報導左啦, 蘋果後知後覺啦! :>

    風度開左三十一年, 我都幫襯左佢一半時間, 再早年我幫襯雙城多, 但近年買賓得野我都好少幫襯, 一係根本少左買賓得D野, 二係好多DA鏡我都去左淘寶買, 平好多, 又唔駛出去買(果度都幾 Kick 腳), 而機身果D又唔夠人地大行做 Promo 平。

    李蛇都算係我既 Friend 黎, 仲記得當年我借朋友 Contax N 枝鏡玩完, 影左輯格鏡相, 同場格賓得鏡, 拎住兩本相簿去考佢, 條友真係又有D料到, 4R D圖撈亂佢幾 Sets 都估得啱~ 另一次佢又興起客氣請我食 Tea, 我果次都冇幫襯去運吉吹水加試新機咋嘛! :P

    至於唔玩真正原因, 蘋果係穿作付會姐, 關乜自由行事丫! 李蛇同我講係真正想退休, 騰出多D私人時間同空間, 去做D自己想做既事, 就係咁簡單啦, 人家都六十幾啦, 人生仲有幾多個十年? :-S

    回覆刪除
  3. 原來己經係三月時既事, 唔祇一個月, 時間實在過得太快了! :(

    http://smallphotocircle.blogspot.hk/2014/03/o_29.html

    回覆刪除
  4. 香港地......好人難做...唉

    回覆刪除
    回覆
    1. 多年來李蛇就係唔多賣奸狼泥坑, 講真賣都一樣搵唔到食, 因為實在大多地方有得賣, 而李蛇同我最啱Key 既地方就係大家都最Like 賓得FA定焦, 又唔多鍾意死馬, 佢寧願賣龍仔杜雞毑賓得Mount 都唔賣死馬, quote 佢老人家講過: "死馬新時可能誇啦啦, 一年後就問題多多, 垃圾來, 我唔賣垃圾!" :-o

      刪除
    2. 冇,不過已經探左你蛇~

      刪除
    3. 禾早幾日刀去睇過,刀已經無乜野賣,得番d配件多

      刪除
    4. 賓得野你又啱? =.="

      不過我四月時落去仲見有套 V1 kit~ :>

      刪除

回應時加連結可以打: ‹a href="圖片或網頁地址"›你想顯示o既形容文字‹⁄a›, 再唔係咁樣加番d表情公仔都仲得~ >:D<

相關文章