係幾個鐘之前...

當我一個人係床上準備同周公食宵夜之時...

一陣陣煙味係街外飄來... 然後就係...

"火燭呀... 快 D 起身呀..........."

跟住以少於一秒彈起身拎眼鏡向街外望...
煙不少, 但唔知邊度出事... 跟手就... 睇下
屋企人起身未... 見佢起身後就落樓睇下邊度出事...

衹可以講... 唔係我住果度, 但無諗住咁大鑊, 結果
都係帶手機落樓... 睇住個情況演進, 跟手就用手機
影相同片, 直至...部手機無電... 跟住返上樓再拎相
機同尿袋返現場... 唔係有乜事又手機無電就真係
仆街啦...

場火燒o左個幾鐘,好多街坊問點解唔係個閣樓外入去,
又點點點... 其實... 相信下消防隊做事個程序同專業
就係了!

跟手就係現場照幾張...

暫時係咁... 當然場火已經搞掂o左, 不過部份道路係家陣仲係封緊就係了!

PS: 同周公個約會睇怕最快都要下午三點後先有機會 "赴約"...

補充:

沙欄仔地舖火警4死 消防指起火原因有可疑

2014.11.12 07:10

(澳門電台消息)沙欄仔街凌晨地舖火警，造成4人死亡，消防初步調查指，起火原因有可疑，已轉交司警調查。
事發於凌晨近4時，沙欄仔街一間售賣衣履的地舖發生火警，消防到場開喉灌救，並疏散附近20名居民，約10多分鐘後將火救熄，在店內閣樓發現4人已無生命跡象。消防初步調查指，原因有可疑，已轉交司警調查。(黃嘉靜 鄭家賜)