係好耐好耐以前, 就明白硬體o既o野係呢個時代
係唔會真係耐用同耐操, 因為太耐用耐操咁仲邊
有人買新o野???
係四年幾前... 因為要閃燈回電快, 結果就買o左個
Pixel o既外置電池盒... 好唔好用? 好, 平靚正,
搞到去親用閃o既場合簡直係玩死唔少 "對家",
亦因為佢就買o左個可以同時差八粒電o既 PowerEX
差機同十二位同廠低自放電... 咁樣成套西裝配合當時
o既 580EX 自然唔失禮, 就算後來身痕買o左 600EX-RT
都一樣照用... 上年唔少會場 Show Girl 都係靠晒佢o地...
問題係... 就如第一段所講, 家陣o既產品唔多耐用同耐操,
果十二粒低自放電... 其中一半已經等同打柴, 有二至三
粒直頭似係死o左, 個差機呢? 仲 Work, 不過用o左 "老家"
網友介紹果個充四粒o既比較多, 因為多o左個偽分析功能嘛,
買佢都係為o左試真果十二粒低自放電係點情況... 結果係點
前面都講o左, 於是跟手就買多十二粒內地牌子o既低自放電
回來補番個位... 但係壞事自然唔會一件咁簡單... 家陣連個
外置電池位都九成壞埋... 真係唔係一個 "幹" 字就可以形容...
先前就因為個電池盒個電池夾唔可以夾緊個殼而成日出問題,
變o左回電時衹有一半電路可以行, 後來用橡筋扎住就 Work
晒兩個電路, 咁樣既然仲用得自然照用, 直至今次去威尼斯影
Show Girl, 影影下就覺唔多對路, 回電唔夠快... 用o左新果批
電都係咁於是 check 下個電池盒做乜... 一睇, 又係 work 一
邊, 於是臨場整... 點知... 就... 跌一跌... 跟住... 兩邊都唔 Work...
咁點算呢? 即場可以試都試唔到太多, 衹可以用可知可用o既
方式試o左一輪, 跟住就頂硬上再影... 但係就... 個電池盒就接
o左同無接一樣... 家陣係屋企試晒兩枝燈 (600EX-RT 同 580EX)
都係唔得... 妖... 仲有兩日影o架!!!!!!!
結論係 : 陣間再去淘寶度買個新o既得o勒!!
最後... 唔好諗住話原廠o既就唔會壞, 聽過唔少人用原廠果個
一樣會瓜,拎去整仲貴過買個全新原廠... 而手上亦有個原廠打
柴o既 400D 用原廠直度... 真係...時候到就抽定時間同拎定荷
包出來就係了~~~~~~~
吹水定訴苦完畢!!
山羊 Eneloop 白電低自放唔多長命, 二代 Eneloop X 黑電好似好d。
回覆刪除一向以來... 頭炮果 D 都係咁上下,
刪除就算日本人有幾多企業良心都好, 但係點講都好,
新產品本身個真實使用情況會比較 "真實" D,
同實驗室果 D 模擬測試o既結果會好唔同就係了!
又, o岩o岩去o左淘寶走一轉, 嘩, 貴到傻,
當年人仔 380 已經係貴, 家陣有舖仔敢叫價到人仔 580...
最陽果間就人仔 280, 不過無人買過... 都諗住去馬,
但係... 記得品色 Pixel 係有旗仔店於是搵下, 搵到喎,
一睇... 都係人仔 280 包郵 (當然係內地, 不過我都係
由關口舖頭代收, 時候到上去俾兩蚊代收費就掂, 返來
時就順手買免稅煙... 港紙 13 蚊一包... 唔怪得香港咁
多水貨煙/私煙問題啦!)~~~~
明早過去再影前落單, 唔使同雙拾一果班玩塞貨運就係了!!
又, 家陣買果隻內地低自放電都係以 "賊佬試沙煲" 個心態去買同用,
一粒港紙九蚊有找... 當佢不幸得三洋一半水準都好, 都叫圍到數就
係了!