係下面影o左自然要行埋上去再影... 事實上, 上面果 part 先係重點,
點知... 就... 真係... 等 "埋位" 等到你傻... 因為好多組人影緊藝術婚紗
相定 pre-wedding... 幾乎一隻手都數唔晒... 因為上上下下左左右右都
有, 而某 D 熱門位置仲排緊隊換人影...
既然係咁... 影下其他可以影o既o野先...
 |
| 唔好以為唔使排隊... 一樣要排... 因為仲有唔少自袖行係度.... |
 |
| 呢個位... 真係 11-24 或者魚眼至可以影埋人入鏡o卦? 點知我影完唔夠兩位鐘就有勇者想試下佢枝 15 得唔得... 問題係... 佢用 APS-C 片幅呢~~~~ |
影影下先 發現教堂個門打開o左... 於是繼上年聖像出遊時入過去之後, 再一次
走入去... 點知... 係門口就已經俾人攔...原來話... 四點關門... 而當時距四點仲有
最少十分鐘... 但係要 "溝通" 一下次後先去影果一張咁大把就係了!
(老實一句... 你入門口跟手有人兜口兜面一句 "關門" 就真係要諗幾幾秒諗下係
咩事... 跟住搞笑地要用普通話同廣東話去溝通... 就算白撞唔少都要客氣再多少
少就係了!!)
 |
| 內部就係咁... 上次入去時係夜晚, 個效果就唔同!而開放時間係早上十點至下午四點,不過依呢次個情況,三點九打後就有心理準備要快影就係了... |
影完裡面自然就要影外面... 呢次由下面向上影... 呢個位一樣有人拎o黎"搵食"用,
即係... 又係要排下隊囉!!
 | ||||||
| 排到怕, 排到悶... 不過難得走上來自然唔會話咩就走,唔係下次又要上來時一樣係要等... |
跟住又要等... 於是就... 係上面影上面囉...
影影下... 想要影果個位又有得影... 即刻三步當兩步半咁快步過去就係...
 | ||||
| 係上面果層影再上面果層... 再上... 未夠鐘之餘仲唔知夠唔夠格可以上就係了! |
 | |
| 就係等呢個位...... 幾乎所有 "開檔" o既都係呢個位影, 結果到我影時個時機已逝矣,因為時間o岩時個陽光會灑落每一格階級上會好靚的, 但係影呢 D 角度就要係時間上預計好之餘,仲要用閃燈 FILL-IN 甚至壓光就係了... 至於詳細點做唔好問我... 因為我都唔識~~~~~ |
跟住影o左想影o既o野... 都係時候要落山, 問題係都叫時間尚早, 於是就... 行埋另一邊... 亦即係好多人都去影煙花果個山頭去...
點行? 可以問
唔明可以用地圖...
 |
| 睇見好似好得人驚... 實情係... 行o左十二分鐘有找到, 中間仲有時間可以影相,飲水, 八掛八掛~~~ |
呢個行法, 上半場根本就係下山至山腰, 跟住可以係轉節點, 即係個西望洋花園度
小休一下, 再向西南方向慢慢行上坡就係了... 重點係... 因為係高尚住宅區, 個個
非富則貴, 所以... 就... 即係... 咁囉, 而上坡中途又係有警崗o既, 所以有乜事都可
以問就係了, 跟住就係一段媛媛向上斜o既上坡路, 而到o左上圖左下果個轉折位
之前係會有個亭的, 有椅可以坐, 亦叫有景可以望下就係, 但係更好景自然係行埋
最後果段, 亦即係真係幾斜下果段就係了 (同大炮台斜巷o既下段近似, 同上段即
係由大炮台頂向下衝果段就差幾遠下~~~)...
而果段斜路, 真係無乜可以影, 因為一邊泊晒車, 另一邊就係斜坡加樹加雜草, 外加
唔少垃圾就係了... 一路向上行直至見到個晨早被人抽起o左個柵欄, 就可以抖下氣
同埋行埋入去再向上行幾級幾騎呢o既石級就到了...
(留意o既係... 因為雜草多又似乎無人打理, 小心蛇革鼠蟻就係... 不過食多次摸上
去o既經驗... 打蛇餅o既司機就唔少, 貓似乎都見過有, 雀就聽到叫, 蟻就一定有仲
唔少就係... 有蚊怕水就噴定會安心 D!!)
 | |
| 個景比主教聖堂果邊要開揚好多下, 係平日都唔少人會上o黎, 日出日落黃昏夜景樣樣皆宜,影煙花都係個好選擇... 個人係呢個位影過一次咁大把, 不過全軍覆沒, 因為都成十幾廿年無影過, 亦根本無個心去影就係了! 而留意o既係... 真係入夜影記得帶照明工具,手機果 D 電留番係其他必要用途時用比較實際!! |
影o左幾張... 自然又係時候要走人, 因為仲要趕過去荷蘭園果邊, 不過走之前就影多張就係了~~~~
 | |
| 個欄桿唔係我整彎o既, 而係唔知邊個神人搞出o黎, 大慨係方大便取景o卦?? 圖中個背囊就係呢次個行程o既載具, 一機三鏡加 1.2L 水同一部 DC 都仲叫塞得晒入去, 仲叫做好揹就係... 不過好果可以就會用另一個... 因為果個有腰帶可以分擔多 D 膊頭個力就係了!! |
好充實既遊記~ :-bd
回覆刪除如果我有咁淑地頭…可以轉為商機…帶團行山影相…講解地埋名勝歷史起源，簡稱講故” :d
濠江咁細, 衹要肯行根本個個都可以行得到,
刪除問題係 "資訊" 流唔流通...
以前, 有 D 位, 有 D 時機, 老果派o既影友係唔會同其他人分享,
因為怕 "爭食"... 特別係有 "比賽" 時就更明顯! 而相熟o既問到都
好都係講兩三成就算, 因為再多講就會 "露餡"...
而家陣? 好似有少少反過來, 個個做乜都係認o左叻先再講...
果日 我灶去影時就有兩公婆推埋 BB 車上來... 上山易, 落山
果陣睇見佢o地個無助樣就知佢o地終於知道佢o地犯o左個
超大錯... 就係帶埋個 B 上山... 結果佢o地應該就行o左我上
山條路落去, 日後個 B 對果條南歐式石仔路肯定會好有印像~~~~
而家陣個資訊已經流通到大路o野都搵得到, 區區幾條路要點行
呢樣o野都唔係咩大問題就係了... 問題衹係你去唔去同幾時去矣!
所以, 你講果 D 商機... 係濠江呢個小地方係唔會 Work,
因為好多本地散客導遊早就做緊, 而例牌問題係見你做得到就跟你
一樣做頂爛市此為其一, 做唔到就去旅遊局果邊隊你兩刀...
有D人就係唔想搵料...有人招呼幾好 :)
刪除咁就要睇下你去開果D路線係咪有團做緊...無既當興趣都可以一試...間唔中做下...小魚既話分分鐘結良緣tim~ :D
朋友間都仲可以... 三唔識七... 除時中招都似,
刪除唔講多講, 做導遊要考牌... 有乜事差人/本地旅
遊局一收 call 就會做o野...
咁又係...仲諗住當私人活動唔使牌 :D
刪除不過收得錢都係要有牌~~
到你有牌係手就唔會做呢 D "小兒科"...
刪除但係接正內地客... 就算係廿幾年前個 D
同家陣o既都係差唔多一樣個水準就係了!
(唔係年齡歧視... 出親問題o既都係十五樓
下, 四十以上... 前者未識死, 後者唔怕死!!)
最怕D人以為影相大哂...試過係HK迪士尼坐係街睇巡遊...正常唔比人出去阻住表演...但有一環節派野比小朋友...D小朋友出去羅...突然羅友被喪踢...力道什重...正想回頭睇睇咩事(起身)...一條X樣(大機大鏡)沖左出去影相...XXYY佢! 當時反應唔切...唔係已經XX左佢...跟手被人拉埋....................... X(
刪除你要唔理工作人員梗硬沖出去都算...出聲講句唔該借借呀...XXXX! 啞架? 用腳踢人行開...當自己大王? XXXXXX! X(
刪除